قاراعاندى وبلىسىندا جاس دارىگەرلەردى تارتۋدىڭ ەرەكشە ءادىسى قولدانىلۋدا

None
None
قاراعاندى. قازاقپارات - قاراعاندى وبلىسىندا جاس دارىگەرلەردى تارتۋدىڭ جاڭا ءادىسىن ويلاپ تاپتى، دەپ حابارلايدى ءوڭىر باسشىسىنىڭ رەسمي سايتى.

اتاپ ايتقاندا، «ديپلوممەن اۋىلعا» باعدارلاماسى بويىنشا كەلەتىن مەديتسينالىق جوعارى وقۋ ورىندارىنىڭ تۇلەكتەرى ءۇشىن ءوز پاتەرلەرىنىڭ ديزاينى مەن جوبالاۋىن تاڭداۋ مۇمكىندىگى بەرىلەدى. بولاشاق دارىگەرلەردىڭ تاڭداۋىنا 3 ۇيدەگى 100 پاتەر ۇسىنىلادى.

ول ءۇشىن قارقارالىدا 28 پاتەر، تەمىرتاۋدا 60 جانە قاراجالدا 12 پاتەر بولىنگەن. وتىنىشتەر بارلىق مامانداردان قابىلدانادى. الايدا باسىمدىق اكۋشەر- گينەكولوگتارعا، نەوناتولوگتارعا، ينفەكتسيونيستەرگە جانە جالپى پراكتيكالىق دارىگەرلەرگە بەرىلەدى.

«بيىلعى جىل - جاستار جىلى دەپ جاريالانعان سوڭ ءبىز بولاشاق دارىگەرلەرگە ىڭعايلى بولۋ ءۇشىن بارلىق مۇمكىندىكتەردى جاساپ وتىرمىز. تۇراقتى جۇمىسپەن قوسا تۇلەكتەرگە 100 اەك كولەمىندە الەۋمەتتىك قولداۋ كورسەتىلەدى. جانە دە تاعى ءبىر بونۋس - ولار بولاشاق پاتەرلەرىنىڭ جوبالاۋىن وزدەرى تاڭدايدى»، - دەپ اتاپ ءوتتى قاراعاندى وبلىسىنىڭ دەنساۋلىق ساقتاۋ باسقارماسىنىڭ جەتەكشىسى ەرجان نۇرلىبايەۆ.

دەنساۋلىق ساقتاۋ باسقارماسىنان ءمالىم ەتكەندەي، ولاردىڭ پاتەرلەرىندەگى جوندەۋ جۇمىستارى كەزىندە اۋىلدىق دارىگەرلەرگە ۋاقىتشا باسپانا جالعا بەرىلەدى. ءوتىنىش بەرۋ ءۇشىن اۋداندىق اكىمدىككە بارىپ، بارلىق قاجەتتى قۇجاتتاردى جيناۋ كەرەك. وتىنىشتەر قارالعان سوڭ بولاشاق دارىگەرلەر پاتەر ديزاينى مەن جوباسىن اقىلداسۋ ءۇشىن اڭگىمەلەسۋگە شاقىرىلادى. تولىق اقپاراتتاردى مىنا 87475022959, 87022531155 ءنومىرى بويىنشا بىلۋگە بولادى.

سوڭعى جاڭالىقتار