پەتروپاۆلدا قايتا دايارلىقتان ءوتىپ، جاڭا ماماندىقتى تەگىن مەڭگەرۋگە بولادى
تۇرعىنداردى جۇمىسپەن قامتۋ ورتالىعىنىڭ مالىمەتىنشە، ماقسات - «ەڭبەك» ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ 2017 - 2021 -جىلدارعا ارنالعان باعدارلاماسىن جۇزەگە اسىرىپ، حالىقتى ەڭبەك نارىعىندا سۇرانىسقا يە ماماندىقتارعا وقىتۋ.
پەتروپاۆل قالالىق اكىمدىگى ماماندارىنىڭ ايتۋىنشا، وبلىس ورتالىعىندا 7 وقۋ ورنى نەگىزىندە قايتا دايارلاۋ جانە بىلىكتىلىكتى ارتتىرۋ كۋرستارىنان وتۋگە بولادى.
ولار: پەتروپاۆل قۇرىلىس- ەكونوميكالىق كوللەدجى، سولتۇستىك قازاقستاندىق كاسىپتىك- پەداگوگيكالىق كوللەدجى، گۋمانيتارلىق- تەحنيكالىق كوللەدج، رەستوراتورلار مەن وتەلەرلەر قاۋىمداستىعى جانە «شۆەينىي پروفەسسيونال»، «رادۋگا» ج ش س، «سودەل» بۋحالتەرلىك فيرماسىنىڭ وقىتۋ ورتالىقتارى.
پەتروپاۆل قالاسى بويىنشا بيىل 420 ادام قايتا دايارلىقتان ءوتۋى ءتيىس. وسى ماقساتقا رەسپۋبليكالىق قازىنادان 96,3 ميلليون تەڭگە، جەرگىلىكتى بيۋدجەتتەن 10,6 ميلليون تەڭگە بولىنگەن. قالا تۇرعىندارى اراسىندا اسپاز ماماندىعى سۇرانىسقا يە - 40 ادام مەڭگەرىپ شىققان. كونديتەرلىك كۋرستى 30 ادام اياقتاسا، ەلەكترگازدانەكەرلەۋشىنىڭ سەرتيفيكاتى 25 ادامعا بەرىلگەن. بۇدان باسقا پەتروپاۆلدىقتار تىگىنشى، اۆتوەلەكترشى، تراكتورشى، ەلەكترشى سياقتى كوپتەگەن جۇمىسشى ماماندىقتارىن مەڭگەرە الادى. قازىرگى تاڭدا قىسقا مەرزىمدى كۋرستارعا 332 ادام جىبەرىلگەن. 245- ءى وقۋىن ءتامامداپ، 65- ءى بىردەن جۇمىسقا ورنالاستىرىلدى. تاعى شامامەن 100 ادام وقۋدى قىركۇيەك ايىندا باستاماق.