پرەزيدەنت وزدەرىن كنيازدىق قوجايىنى سەكىلدى سەزەتىن اكىمدەرگە ەسكەرتۋ جاسادى
«ينۆەستيتسيالار تۇراقتى تۇردە تارتىلۋى كەرەك. اكىمدەر ينۆەستيتسيا تارتۋمەن اينالىسۋى كەرەك. كەيبىر كەزدە تەلەديداردان سىزدەردىڭ كاسىپكەرلەر دەلەگاتسياسىن، ينۆەستورلاردى قالاي قابىلدايتىندىقتارىڭىزدى كورەمىن. بۇنداي شارالار ەشقايدا جارامايدى، وزدەرىڭىز ۇستەلدىڭ باسىنا جايعاسىپ، ولاردى 3-4 مەتر الشاق وتىرعىزاسىزدار. وزدەرىڭىزدى قانداي دا ءبىر كنيازدىقتىڭ باسشىسى رەتىندە كورسەتەسىزدەر. بۇل رەتتە ينۆەستيتسيانى تارتۋعا سىزدەر ەمەس، ولار مۇددەلى بولعانداي بايقالادى»، - دەدى مەملەكەت باسشىسى ۇكىمەتتىڭ كەڭەيتىلگەن وتىرىسىندا.
وسى ورايدا، پرەزيدەنت اكىمدەردىڭ وسى ىسپەتتەس ءىس- قيمىلدارى تەلەارنالار ارقىلى كوزگە ەرسى كورىنەتىنىن اتاپ ءوتتى. سونىمەن قاتار ينۆەستورلارمەن كەزدەسۋ بارىسىندا ءوڭىر وكىلدەرى تاراپىنان قيسىنسىز تالاپتار بولىپ جاتادى.
«پاراقورلىققا جول بەرمەۋ كەرەك. ەگەر دە وسىنداي ارەكەتپەن بىرەۋ بايقالسا، وندا ەڭبەگى مەن جۇمىس تاجىريبەسىنە قاراماستان، اكىمدەر ءتيىستى جازاسىن الادى. بۇل تۇرعىدا سازدەردى الدىن الا ەسكەرتتىم دەپ تۇسىنىڭىزدەر»، - دەدى قاسىم- جومارت توقايەۆ.
اۆتور: رۋسلان عابباسوۆ