+7 (701) 759 90 19 Лента
31 °С : نۇر-سۇلتان
29 °С : الماتى
USD 386.34 EUR 427.25
RUB 5.88 CNY 54.57
جاڭالىقتار

توقايەۆ حالىقتىڭ قارىز جۇكتەمەسىن تومەندەتۋ شارالارى بويىنشا تاپسىرما بەردى

15 شىلدە 10:36
:ءبولىسۋ
توقايەۆ حالىقتىڭ قارىز جۇكتەمەسىن تومەندەتۋ شارالارى بويىنشا تاپسىرما بەردى

نۇر-سۇلتان. قازاقپارات - ۇكىمەتتىڭ كەڭەيتىلگەن وتىرىسىندا مەملەكەت باسشىسى قاسىم-جومارت توقايەۆ حالىقتىڭ قارىز جۇكتەمەسىن تومەندەتۋگە قاتىستى شارانى ءتيىستى دەڭگەيدە ورىنداۋدى تاپسىردى، دەپ حابارلايدى قازاقپارات ءتىلشىسى.

«تولەم قابىلەتى تومەن ازاماتتارعا قاتىستى قارىز جۇكتەمەسىن تومەندەتۋ باعىتىنداعى جۇمىستار قالاي ءجۇرىپ جاتىر؟»، - دەپ سۇرادى مەملەكەت باسشىسى ۇلتتىق بانك ءتوراعاسى ەربولات دوسايەۆتان.

«اعىمداعى جۇمىستى ۇكىمەتپەن بىرگە 2 بلوكقا بولدىك. ءبىرىنشى بلوكتا ءبىزدىڭ قولداۋمەن قامتىلعان توپقا قاتىستى مالىمەتتى سالىستىرۋ جۇمىستارى ەسكەرىلگەن. وسى مالىمەتتەر بازاسىن سالىستىرۋ بويىنشا جۇمىستار اعىمداعى اپتادا ەڭبەك جانە حالىقتى الەۋمەتتىك قورعاۋ مينيسترلىگىمەن اياقتالادى. الداعى اپتادان باستاپ شىلدەنىڭ اياعىنا دەيىن ەكىنشى دەڭگەيلى بانكتەرمەن جانە ميكروقارجىلىق ۇيىمدارمەن، سونداي-اق پروبلەمالىق نەسيەلەر قورىمەن شارتتار بەكىتىلەدى. بىزدىڭشە، 1- قىركۇيەككە دەيىن بانكتەرگە قاتىستى قاجەتتى تولەمدەر اياقتالادى. ايىپپۇل جانە ءوسىمپۇلعا بايلانىستى ماسەلەلەردى 1- تامىزعا دەيىن شەشەمىز»، - دەدى ە. دوسايەۆ.

پرەزيدەنت بۇل جۇمىستاردى ۇكىمەت، پرەزيدەنت اكىمشىلىگى تۇراقتى باقىلاۋدا ۇستاۋى كەرەكتىگىن تاپسىردى.

«ءبىز وسى اكسيا تۋرالى جاريالادىق. اتاپ ايتقاندا، بۇل اكسيا ءبىر جولعى سيپاتقا يە. الداعى ۋاقىتتا وسى تەكتەس شارالارمەن اۋەستەنە المايمىز، وعان قۇقىعىمىز جوق. دەگەنمەن، حالىققا جاريالاعان باستامانى دەر كەزىندە ءارى ساپالى ورىنداۋىمىز كەرەك»، - دەدى قاسىم-جومارت توقايەۆ.

بۇدان بۇرىن حابارلانعانداي، مەملەكەت ازاماتتاردىڭ 300 مىڭ تەڭگەگە دەيىنگى قارىزىن وتەپ بەرەدى.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات