كوكشەتاۋ قالاسىنىڭ مەرەيتويىنا وراي اقىندار فەستيۆالى ءوتتى
اقمولا وبلىسىنىڭ اكىمى ەرمەك مارجىقپايەۆ فەستيۆال قاتىسۋشىلارىنا شىعارماشىلىق تابىس تىلەدى. «بۇل وبلىستىڭ مادەني ومىرىندەگى ماڭىزدى وقيعا، ول وڭىرلىك ادەبيەتتىڭ دامۋىنا، جەرگىلىكتى سۋىرىپ سالما اقىنداردىڭ، جازۋشىلار مەن سال- سەرىلەردىڭ شىعارماشىلىعىن تانىمال ەتۋگە ىقپال ەتەرى ءسوزسىز. سىزدەردىڭ پوەزيالارىڭىز تۋعان ولكەگە، تۋعان ەلگە، تۋعان جەرگە دەگەن سۇيىسپەنشىلىككە تولى. ۇلتتىق مادەني مۇرانى ساقتاۋعا جانە ونى مولايتۋعا قوسقان قوماقتى ۇلەستەرىڭىز ءۇشىن شىنايى العىسىمدى جەتكىزەمىن» ، - دەپ اتاپ ءوتتى اكىم.
شاحمەت قۇسايىنوۆ اتىنداعى اقمولا وبلىستىق قازاق مۋزىكا- دراما تەاترىنىڭ ساحناسىندا وبلىستىڭ 17 بەلگىلى اقىندارى مەن انشىلەرى كوكشەتاۋ قالاسىنىڭ تاريحىنان جارقىن پاراقتاردى جانە ونىڭ قازىرگى زامانعى كەزەڭدەگى جەتىستىكتەرىن شىرقاي وتىرىپ، وزدەرىنىڭ شىعارماشىلىعىن پاش ەتتى. ولاردىڭ اراسىندا اقىن، «الاش» حالىقارالىق ادەبيەت سىيلىعىنىڭ لاۋرەاتى، زەرەندى جانە ءبىرجان سال اۋداندارىنىڭ قۇرمەتتى ازاماتى قورعانبەك امانجول، قازاقستان جازۋشىلار وداعىنىڭ مۇشەسى قۇدايبەرلى مىرزابەك، «التىن دومبىرا» سىيلىعىنىڭ ەكى دۇركىن يەگەرى مۇحتار نيازوۆ، رەسپۋبليكالىق، حالىقارالىق ايتىستاردىڭ جەڭىمپازى قۇرمەت قۇرالحان، «شابىت» حالىقارالىق فەستيۆالىنىڭ ديپلومانتى، «سەمسەر» ادەبي سىيلىعىنىڭ لاۋرەاتى قۋانىش وسپان جانە باسقا دا كوپتەگەن جاس دارىندار، سونىڭ ىشىندە وبلىستىق، رەسپۋبليكالىق جىر- ءمۇشايرالاردىڭ بىرنەشە دۇركىن جەڭىمپازدارى ابىلايحان ءاشىمحان، ابزال بالتاباي، ابىلايحان ناۋرىزحان سياقتى جاس دارىندار بار.
ءىس- شارا اياسىندا پوەزيا ونەرىنىڭ اتاقتى شەبەرلەرى تولەگەن قاجىبايەۆ پەن يران سال تاسقاراعا قۇرمەت كورسەتىلدى. سونداي- اق، «كوكشەتاۋ - نۇر- سۇلتان» تراسساسىنىڭ بويىندا تاريحي تۇلعالار - اقان سەرى، ءبىرجان سال، بالۋان شولاق، ۇكىلى ىبىراي، حان كەنەسارى قاسىم ۇلى قۇرمەتىنە ەسكەرتكىشتەردىڭ ورناتىلعانى تۋرالى فيلمنىڭ تۇساۋكەسەرى بولدى. اتالعان جۇمىستىڭ اۆتورى - قازاقستان سۋرەتشىلەرى وداعىنىڭ مۇشەسى قازىبەك ساتىبالدين.