+7 (701) 759 90 19
3 °С : نۇر-سۇلتان
11 °С : الماتى
USD 389.81 EUR 430.27
RUB 6.06 CNY 54.91
جاڭالىقتار

ەمدىك بالشىقتىڭ دەنساۋلىققا پايداسى

13 شىلدە 01:39
:ءبولىسۋ
ەمدىك بالشىقتىڭ دەنساۋلىققا پايداسى

نۇر- سۇلتان. قازاقپارات - بالشىقتىڭ ەمدىك قاسيەتى جايلى كونەدەن بەرى ايتىلىپ كەلەدى جانە كوپتەگەن دارىگەرلەردىڭ شىعارمالارىندا كەزدەسەدى.

ەجەلدە مۇنى اتا- بابالارىمىز ءتۇرلى اۋرۋلاردى ەمدەۋ كەزىندە پايدالانعان. ءتىپتى بۇگىندە مۇنى كوسمەتيكالىق ماقساتتا كەڭىنەن قولدانادى. بالشىق ۋلى زاتتاردى بويىنا جاقسى سىڭىرەتىندىكتەن، ونى ۋلانۋ كەزىندە كوپ قولدانادى. الايدا بارلىق سازدى ەمدىك ماقساتتا پايدالانۋعا بولمايدى. سەبەبى ءاربىر اۋرۋ ءۇشىن ونىڭ ارنايى سۇرىبى قولدانىلادى. ەمدىك بالشىق (ساز) - سۋ، مينەرالدى جانە ورگانيكالىق زاتتاردان تۇراتىن تابيعي جولمەن پايدا بولاتىن زات.

تابيعاتتىڭ وسىناۋ بايلىعىن كوپ ادامدار قۇممەن شاتاستىرىپ جاتادى. ەمدىك لاي جۇمساق بولادى جانە ونى ءبىر رەت قانا پايداعا جارايدى. ەمدىك بالشىقتار ءارتۇرلى تابيعي جولمەن پايدا بولادى. مىسالى، تاۋدا جانارتاۋدىڭ اتقىلاۋى كەزىندە جوعارى تەمپەراتۋرادان تاۋ جىنىستارى ارقىلى شىعادى، سۋ قويمالارىندا جانە تۇزدى سۋ قويمالارىندا پايدا بولادى. شىمتەزەكتەن (وسىمدىك قالدىقتارى) جانە جاساندى جولمەن دە جاسالادى. بالشىقتىڭ ەمدىك قاسيەتى ادام اعزاسىنا جىلۋ ارقىلى اسەر ەتەدى. تابيعي لاي قۇرامىنداعى جوعارعى جانە از دەڭگەيدەگى جىلۋسىيىمدىلىق دەنە تەمپەراتۋراسىن كوتەرەدى. ناتيجەسىندە قان تامىرلاردى كەڭەيتىپ، ونىڭ جۇمىسىن جاقسارتادى، زات الماسۋ جاعدايى تۇزەلەدى. سوندىقتان ءتۇرلى جولمەن پايدا بولعان ەمدىك لايدىڭاعزاعا اسەر ەتۋ جولدارى دا تۇرلىشە دەڭگەيدە بولادى. سازدىڭ ءار سۇرىبىنىڭ شىعۋ توركىنى ءارتۇرلى.

سول سەبەپتى ساز- بالشىق ءتۇرلى تۇستەرگە يە بولادى: اق ساز. ونىڭ قۇرامىندا كاولينيت مينەرالى بار. اق بالشىق جوعارى سىڭىرگىشتىك قابىلەتكە يە، سوندىقتان ونىڭ انتيسەپتيكالىق اسەرى بار. سارى بالشىق. قۇرامىندا ناتري، كۇكىرت جانە ءۇش ۆالەنتتى تەمىر بار. بالشىقتىڭ سارى ءتۇرى وستەوحوندروز، اسقازان- ىشەك جولدارى اۋرۋلارى مەن ينسۋلت، ميگرەندى ەمدەۋدە قولدانىلادى. سارى بالشىق تسەلليۋليتپەن كۇرەسۋگە كومەكتەسەتىندىكتەن، كوسمەتولوگيادا دا قولدانىلادى. سونىمەن قاتار قابىنۋدى باسىپ، تەرىنى سەرگىتەدى.

قىزىل بالشىق. بالشىقتىڭ بۇل تۇرىندە مىس، كالي جانە تەمىردىڭ اليۋميني- كرەمني قوسىلىستارى بار. سوندىقتان ساز قىزىل ءتۇستى بولادى. بۇل ەمدىك بالشىقتىڭ سىڭىرگىش قاسيەتى تومەن بولعانىمەن، قۇرامىندا تەمىردىڭ بولۋىنا بايلانىستى تەمىر جەتىسپەۋشىلىككە پايدالى. سونداي- اق قىزىل سازدى گيپوتونيا، جۇرەك- تامىر اۋرۋلارى جانە تامىردىڭ ۆاريكوزدى سوزىلۋىندا قولدانىلادى.

جاسىل ساز. قۇرامىنداعى مىس پەن تەمىر وكسيدى بالشىققا جاسىل ءتۇس بەرەدى. بۇدان وزگە، سازدىڭ قۇرامىندا مىرىش، فوسفور، كوبالت، ماگنيي، كالتسي، التىن جانە كۇمىس بار. كوبىندە بۇل سازدى كوسمەتولوگيادا مايلى تەرىنى تەرەڭ تازالاۋ قۇرالى رەتىندە پايدالانادى. سونىمەن قاتار، ىسىكتى جاقسى كەتىرىپ، ماي ءبولىنۋدى تومەندەتەدى جانە تەرىدەگى ۇساق تەسىكتەردى تارىلتىپ، اجىمدەردى تەگىستەيدى. تەرىدەگى قان اينالىم مەن زات الماسۋدى جاقسارتادى.

كوك ساز. بالشىقتىڭ بۇل تۇرىندە كوبالت پەن كادمي تۇزدارى كوپ. سوندىقتان ەمدىك سازدى بۇلشىق ەت السىزدىگىن جەڭىلدەتۋگە، بۋىنداردىڭ قوزعالعىشتىعىن جاقسارتۋعا جانە زات الماسۋدى قالىپقا كەلتىرۋگە پايدالانادى. سونىمەن قاتار ول سەمىزدىكتى، گيپوتيرەوزدى، قاتەرلى ىسىكتەر مەن رادياتسيانىڭ اسەرىنەن پايدا بولعان اۋرۋلاردى كەشەندى ەمدەۋ ءۇشىن قولدانىلادى. ال، كوسمەتولوگيادا ول تەرىنىڭ زات الماسۋىن، قان اينالىمىن جاقسارتىپ، ءولى جاسۋشالاردى مايدان بوساتىپ، تازارتادى.

قارا ساز. قۇرامىندا كومىرتەگى مەن تەمىردىڭ بولۋىنا بايلانىستى بۇل سازدىڭ ءتۇسى قارا بولادى. ەگەر قۇرامىندا ولاردىڭ مولشەرى از بولسا، ءتۇسى دە سوعۇرلىم اشىق، ياعني سۇر ءتۇستى بولادى. كوبىندە قارا سازدى قابىنۋ اۋرۋلارى كەزىندە، دەنە تەمپەراتۋراسى كوتەرىلگەندە، تاحيكارديا، دەرماتيت كەزىندە قولدانادى. ال كوسمەتولوگيادا قۇرعاق تەرىنى سەرگىتىپ، ىلعالداندىراتىن قۇرال رەتىندە پايدالانادى.

قوڭىر بالشىق. قارا بالشىق ەكەۋىنىڭ قۇرامى ءبىر بولعاندىقتان، پايدالانۋعا ارنالعان نۇسقاۋلارى دا بىردەي. تابيعي سازبەن ەمدەۋ ماسساج، گيدروتەراپيا، اروماتەراپيا، كۇن جانە اۋە ۆاننالارى، سونىمەن قاتار تابانعا رەفلەكتورلىق اسەر ەتۋمەن بىرىكتىرىلەدى. ەمدىك لايدى قانداي دەرتتەردەن ارىلۋ ءۇشىن پايدالانۋعا بولادى:

- تىنىس الۋ جولدارىندا دەرتى بارلار (اسقىنعان برونحيت، جاراقات الۋ، قابىنۋلار، جابىسپا، كەۋدە قۋىسىنا وتا جاسالعاندا) ؛

- اس قورىتۋ جۇيەسى (جىڭىشكە اش ىشەكتەگى جارا، اسقازانداعى اۋرۋ اسقىنعاندا، توقىشەكتىڭ قابىنۋى، گەپاتيت، حولەتسيستيت، قۇرساق قۋىسىنداعى قابىنۋدا) ؛

- قان تامىرلار (تەرى اۋرۋلارىندا، سۇيەك پەن مايدا تكاندارداعى جاراقات، ترومبوفلەبيت، قان تامىرلارىنىڭ تىعىندالۋى، ۆەنانىڭ قابىنۋى) ؛

- جۇيكە جۇيەسى (نيەۆريت، راديكۋليت، پلەكسيت، ينفەكتسيالىق جانە ريەۆماتيكالىق نيەۆريت، جاراقات) ؛

- تىرەك جانە قيمىل- قوزعالىس جۇيەسى؛

- ەر مەن ايەلدەردەگى جىنىس جولدارىنىڭ دەرتى (پروستاتيت، ورحيت، قۋىق پەن جاتىردىڭ قابىنۋى) .

ەمدىك لايمەن ەمدەلۋگە بولمايتىن دەرت تۇرلەرى:

- وكپە تۋبەركۋلەزىندە؛

- قان اۋرۋى؛

- جۇكتىلىك كەزىندە؛

- بۇيرەك دەرتىندە؛

- بۋىننىڭ اۋىر پوتولوگياسى؛

- ەندوكريندىك بۇزىلىس؛

- قانسىراۋ جانە سوعان بەنىم كەلەتىن جاندارعا؛

- تىنىس جولدارى مەن جۇرەك قان تامىر اۋرۋلارىنىڭ اۋىر پوتولوگياسىندا؛

- وتكىر قابىنعان جانە اسقىنعان اۋرۋ تۇرلەرى. ەسىڭىزدە بولسىن، لايدى ءۇي جاعدايىندا اكەلىپ ەمدەلگەننەن گورى، ءوز قورىندا ەمدەلگەن ءتيىمدى ءارى ناتيجەسى وڭ. مۇنى اسىرەسە شىلدە ايىندا جاساعان دۇرىس. ال، ءۇي جاعدايىندا لايدى پايدالانباس بۇرىن سۋمەن (تەڭىز سۋى) ارالاستىرادى دا 60 س- تا قىزدىرادى. جىلى لايدى دەنەنىڭ بارلىق تۇسىنا 2-3 س م قالىڭدىقتا جاعىپ شىعادى. سوسىن دەنەنى كومپرەسس سالاتىن كلەەنكامەن، سىرتىنان كورپەمەن ورايدى. وڭتايلى تەمپەراتۋرادا 38-42 س، 20-30 مينۋت جاتادى. ەمدەلۋ ۋاقىتى 10-12 رەت.

Massaget.kz


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات