قازاقستان مەن قىرعىزستان تاۋار اينالىمىن ارتتىرۋ جونىندە كەلىسىمگە كەلدى

None
None
نۇر- سۇلتان. قازاقپارات - ق ر پرەمەر- ءمينيسترى اسقار ماميننىڭ قىرعىز رەسپۋبليكاسىنا رەسمي ساپارى اياسىندا قىرعىزستان پرەزيدەنتى سوورونباي جەەنبەكوۆپەن كەزدەسۋى ءوتتى.

اڭگىمەلەسۋ بارىسىندا ەكىجاقتى ساۋدا- ەكونوميكالىق جانە ينۆەستيتسيالىق ىنتىماقتاستىقتىڭ وزەكتى ماسەلەلەرى تالقىلاندى، دەپ حابارلايدى primeminister.kz.

بىشكەكتە ق ر پرەمەر- ءمينيسترى اسقار مامين قازاقستان- قىرعىز ۇكىمەتارالىق كەڭەسىنىڭ VIII وتىرىسىنا قاتىستى. كەلىسسوزدەر بارىسىندا ەكىجاقتى ءوزارا ءىس- قيمىلدىڭ وزەكتى ماسەلەلەرى بويىنشا بارىنشا پىكىر الماسىلىپ، پەرسپەكتيۆالى باعىتتار ايقىندالدى جانە ساۋدا- ەكونوميكالىق ىنتىماقتاستىقتى تەرەڭدەتۋگە باعىتتالعان بىرلەسكەن جوسپارلار بەلگىلەندى. ونەركاسىپتىك كووپەراتسيا مەن ينۆەستيتسيالىق ىنتىماقتاستىقتى، سۋ- ەنەرگەتيكا سالاسىن دامىتۋ، شەكارا ماڭى ىنتىماقتاستىعىن نىعايتۋ، سونداي- اق تسيفرلاندىرۋ جانە عارىش سالالارىندا بىرلەسكەن جوبالاردى ىسكە اسىرۋ ماسەلەلەرىنە ەرەكشە كوڭىل ءبولىندى. «قازاقستان رەسپۋبليكاسى قىرعىزستاننىڭ نەگىزگى ساۋدا سەرىكتەستەرىنىڭ ءبىرى. قازاقستاننىڭ قىرعىز رەسپۋبليكاسىنىڭ تاۋار اينالىمىنداعى ۇلەسى %11  دان اسادى، ونىڭ ىشىندە ەكسپورتتا - 14%» ، - دەدى قىرعىز رەسپۋبليكاسىنىڭ پرەمەر- ءمينيسترى مۋحاممەدكالىي ابىلگازيەۆ.

 2018 -جىلى ەكى ەل اراسىنداعى تاۋار اينالىمىنىڭ كولەمى %13 عا ءوسىپ، $850 ميلليونعا جۋىق بولدى. قازىرگى كەزدە قازاقستان جانە قىرعىزستان ۇكىمەتتەرى 2020 -جىلعا قاراي ءوزارا ساۋدا كولەمىن $1 ميللياردقا دەيىن ارتتىرۋ ءۇشىن جۇمىستار جۇرگىزۋدە. ءوز كەزەگىندە، ق ر ۇكىمەتىنىڭ باسشىسى اسقار مامين ەكىجاقتى جانە وڭىرلىك ساۋدا سالالارىنداعى ەداۋىر الەۋەتتى اتاپ ءوتىپ، ىسكەرلىك احۋالدى جاقسارتۋ جانە شاعىن جانە ورتا بيزنەستى قولداۋ ارقىلى ورتالىق- ازيالىق ايماققا ينۆەستيتسيالار تارتۋ بويىنشا ەلدەردىڭ بىرلەسكەن كۇش- جىگەرىن بىرىكتىرۋدىڭ ماڭىزدىلىعىن جەتكىزدى.

Қазақстан мен ҚырÒ

 «ءبىزدىڭ تاۋار اينالىمىن ءبىرشاما ارتتىرۋ ءۇشىن قولدا بار الەۋەتتى اشۋ ءۇشىن بارلىق مۇمكىندىكتەرىمىز بار، - دەدى اسقار مامين. - ۇكىمەتارالىق كەڭەس وتىرىسىندا قابىلدانعان شەشىمدەر ءبىزدىڭ ەلدەرىمىزدىڭ اراسىنداعى ءوزارا ءىس- قيمىلدى ودان ءارى تەرەڭدەتۋگە قوماقتى ۇلەسىن قوسىپ، ەكىجاقتى ەكونوميكالىق ىنتىماقتاستىقتى دامىتۋعا سالماقتى سەرپىن بەرەدى» . قازاقستان مەن قىرعىزستان ءوزارا ءتيىمدى ىنتىماقتاستىقتى ودان ءارى دامىتۋدى ماقسات ەتەدى. ۇكىمەتتىك دەلەگاتسيالار تاۋار اينالىمىن ارتتىرۋ جانە جەتكىزىلەتىن تاۋارلاردىڭ نومەنكلاتۋراسىن كەڭەيتۋ، ەكونوميكانىڭ باسىمدىقتى سالالارىندا بىرلەسكەن كاسىپورىندار قۇرۋ بويىنشا جۇمىستاردى جانداندىرۋ بويىنشا ۋاعدالاستىقتارعا قول جەتكىزدى.

Қазақстан мен ҚырÒ

ق ر پرەمەر- ءمينيسترى اسقار ءماميننىڭ قىرعىزستانعا رەسمي ساپارى اياسىندا ءبىرقاتار قۇجاتتارعا قول قويىلدى: «KazakhExport» ەكسپورتتىق ساقتاندىرۋ كومپانياسى» ا ق، «AAEngineering Group» جشس جانە «گلوبال دجامگىر ماينينگ» ج ش ق اراسىنداعى ىنتىماقتاستىق تۋرالى كەلىسىم؛ «ەلەت اگروحولدينگ» ج ش ق مەن «Continental Agro Trade» (kontinental Agro Trade) ج ش س اراسىندا اۋىل شارۋاشىلىعى ءونىمىنىڭ ساۋداسى سالاسىنداعى ءوزارا تۇسىنىستىك جانە ىنتىماقتاستىق تۋرالى مەموراندۋم؛ «دوردوي بازارى» ج ش س مەن «Continental Agro Trade» ج ش س اراسىندا اۋىل شارۋاشىلىعى ءونىمىنىڭ ساۋداسى سالاسىنداعى ءوزارا تۇسىنىستىك جانە ىنتىماقتاستىق تۋرالى مەموراندۋم؛ «حايتۋن» ج ش ق مەن «Continental Agro Trade» ج ش س اراسىندا اۋىل شارۋاشىلىعى ءونىمىنىڭ ساۋداسى سالاسىنداعى ءوزارا تۇسىنىستىك جانە ىنتىماقتاستىق تۋرالى مەموراندۋم؛ «دامۋ» كاسىپكەرلىكتى دامىتۋ قورى» ا ق مەن «كەپىلدىك قورى» ا ا ق اراسىنداعى ءوزارا تۇسىنىستىك تۋرالى مەموراندۋم؛ قازاقستان رەسپۋبليكاسى قارجى مينيسترلىگى مەملەكەتتىك كىرىستەر كوميتەتى مەن قىرعىز رەسپۋبليكاسى ۇكىمەتىنىڭ جانىنداعى مەملەكەتتىك سالىق قىزمەتىنىڭ اراسىنداعى ەكىجاقتى ەكونوميكالىق ىنتىماقتاستىق پەن سالىقتىق اكىمشىلىك ەتۋدىڭ ءىس- قيمىل جوسپارى؛ قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگى مەن قىرعىز رەسپۋبليكاسىنىڭ كولىك جانە جولدار مينيسترلىگى اراسىندا اۆتوموبيل جولدارىن سالۋ جانە جوبالاۋ اياسىندا ينفراقۇرىلىمدىق جوبالاردى ىسكە اسىرۋ سالاسىنداعى ىنتىماقتاستىق تۋرالى مەموراندۋم؛ 2012 -جىلعى 11 - مامىرداعى قازاقستان رەسپۋبليكاسىنىڭ ۇكىمەتى مەن قىرعىز رەسپۋبليكاسىنىڭ ۇكىمەتى اراسىنداعى قازاقستان رەسپۋبليكاسى ازاماتتارىنىڭ قىرعىز رەسپۋبليكاسىنىڭ اۋماعىندا جانە قىرعىز رەسپۋبليكاسى ازاماتتارىنىڭ قازاقستان رەسپۋبليكاسىنىڭ اۋماعىندا بولۋ ءتارتىبى تۋرالى كەلىسىمگە وزگەرىستەر ەنگىزۋ تۋرالى حاتتاما؛ قازاقستان- قىرعىز ۇكىمەتارالىق كەڭەسىنىڭ VIII وتىرىسىنىڭ حاتتاماسى.

سوڭعى جاڭالىقتار