بوكستان الەم چەمپيونىنا كىسى ءولتىردى دەگەن ايىپ تاعىلدى

قوستاناي. قازاقپارات- بوكستان الەم چەمپيونى اسلان مۇقانوۆقا كىسى ءولتىردى دەگەن ايىپ تاعىلدى، دەپ حابارلايدى قازاقپارات وبلىستىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

كىسى ءولىمى 11 -شىلدە وبلىس ورتالىعىنا جاقىن جەردەگى «التىن دالا» اۋىلىندا بولعان. پوليتسيانىڭ كەزەكشى بولىمىنە ءبىر ايەل حابارلاسىپ، جۇبايىنىڭ ءولى دەنەسىن تاپقانىن ايتقان.

جەدەل ءىس شارالارى بارىسىندا قىلمىستىق ءىستىڭ بەتىن اشتىق. كۇدىكتى زارەچنىي اۋىلىنا قاراي قاشپاق بولدى. ارىپتەسىممەن بىرگە سول ماڭايداعى «سادوۆود» شارۋا قوجالىعىندا جۇرگەنبىز. بىزگە شارۋا قوجالىعىنىڭ كۇزەتشىسى حابارلاسىپ، كۇدىكتى تۋرالى اقپارات بەردى. «ارلان» ارنايى جاساعىنىڭ كومەگىمەن كۇدىكتىنى قولعا تۇسىردىك. ونىڭ سپورتشى ەكەنى انىقتالدى، - دەدى جەرگىلىكتى پوليتسيا قىزمەتىنىڭ باستىعى سەرىك راقىشەۆ.

كۇدىكتىنىڭ بوكستان 61 كەلىگە دەيىنگى NBA جۇيەسى بويىنشا الەم چەمپيونى اسلان مۇقانوۆ ەكەنى بەلگىلى بولدى.

31 جاستاعى قوستانايلىق سپورتشى كاسىبي رينگتە 6 كەزدەسۋ وتكىزدى.