ماماندار سمارتفونداردىڭ جارىلۋ سەبەپتەرىن ايتتى

None
None
 نۇر - سۇلتان. قازاقپارات - ساندىق ساراپتاۋ ورتالىعىنىڭ ماماندارى نوۋتبۋك پەن سمارتفوندارداعى باتارەيا جارىلىستارىنىڭ نەگىزگى سەبەپتەرىن اتادى، سونداي- اق ولاردى قالاي بولدىرماۋ كەرەكتىگى تۋرالى كەڭەستەر بەردى.

باتارەيا جارىلىستارى ءۇش سەبەپ بويىنشا پايدا بولادى: ءوندىرىس اقاۋلارى، قىزىپ كەتۋ جانە گادجەتتىڭ ەسكىرۋى سالدارى. ساراپشىلاردىڭ ايتۋىنشا، بارلىق قۇرىلعىلاردا ليتي- يون باتارەياسى ورناتىلادى. تەمپەراتۋرانىڭ كۇرت تومەندەۋىنە بايلانىستى ول گاز شىعارا باستايدى، باتارەيا ىسىنەدى نەمەسە كەيدە سۇيىقتىق اعادى. بۇعان قوسا، سوققى العاندا نەمەسە زاقىم تيگەندە باتارەيانىڭ قىزىپ كەتۋىنە، جارىلىسقا سەبەپ بولۋى مۇمكىن.

ماماندار قۇرىلعىنىڭ قىزىپ كەتۋىنە جول بەرمەۋ ءۇشىن فيرمالىق زاريادتاعىشتاردى نەمەسە سەرتيفيكاتتالعان قۇرالداردى پايدالانۋعا، زاريادتاۋ كەزىندە گادجەتتە «اۋىر» پروتسەستەردى جاساماۋعا كەڭەس بەردى.

مينيسترلىك سونداي- اق، گادجەتتەردى كيىمنىڭ ارتقى قالتاسىندا سالۋعا بولمايتىنىن ەسكە سالادى. سەبەبى مەحانيكالىق زاقىمدانۋ ناتيجەسىندە باتارەيا جارىلۋى مۇمكىن. باتارەيا زاقىمدانسا، حيميالىق رەاكسيالاردىڭ سالدارىنان جارىلىس تۋىنداۋى مۇمكىن، ونى پايدالانۋعا بولمايدى.

باتارەيا ورتەنگەن جاعدايدا زاريادتاعىشتى گادجەتكە تيگىزبەستەن اجىراتىپ الۋ كەرەك نەمەسە مۇمكىن بولسا، بۇكىل بولمەنى توقتان اجىراتۋ كەرەك. سونىمەن قاتار، گادجەتتى سۋعا تاستاۋعا نەمەسە ونى جابۋعا بولادى. ەگەر رەاكسيا باستالعان بولسا، قۇرىلعىنى جارىلىسى زاقىم كەلتىرمەيتىن ورىنعا تاستاۋ كەرەك.

مامانداردىڭ ايتۋىنشا، كومپانيالار جاقسارتىلعان ەنەرگيامەن تۇتىنۋ، قىزمەت ەتۋ مەرزىمى ۇزاق جانە قاۋىپسىزدىك دەڭگەيى جوعارى اككۋمۋلياتورلاردىڭ جاڭا ءتۇرىن جاساۋعا تىرىسادى.

سوڭعى جاڭالىقتار