جەر تەلىمىن بولۋدە كوبىنە قانداي زاڭسىزدىقتار ورىن الادى

None
None
نۇر-سۇلتان. قازاقپارات - جەر تەلىمىن ازاماتتارعا ءبولۋ تەتىگىن قايتا قاراستىرۋ كەرەك.

بۇل تۋرالى ق ر سىبايلاس جەمقورلىققا قارسى ءىس-قيمىل اگەنتتىگىندە وتكەن بريفينگتە تەرگەۋ دەپارتامەنتىنىڭ اعا تەرگەۋشىسى دانيار بەكايداروۆ ءمالىم ەتتى، دەپ حابارلايدى قازاقپارات ءتىلشىسى.

ونىڭ سوزىنە قاراعاندا، قىلمىستىق ستاتيستيكا بويىنشا جەر قاتىناستارى سالاسىندا جەمقورلىق قۇقىق بۇزۋشىلىقتارىنىڭ ارتقانىن بايقاتىپ وتىر. وسى ورايدا 2018-جىلداعى التى ايدا 82 وقيعا بولسا، 2019-جىلداعى جارتى جىلدا 109 جايت تىركەلگەن.

«اتالعان قىلمىستىق ىستەر بويىنشا كۇدىكتى رەتىندە 76 ادام تانىلدى، ال 2018-جىلى 56 بولعان ەدى. ونىڭ ىشىندە سوتقا 54 قىلمىستىق ءىس باعىتتالىپ، 15 ادام سوتتالدى. بۇل قىلمىستار بويىنشا كەلتىرىلگەن شىعىن كولەمى 810 ميلليون تەڭگەنى قۇراپ، بۇگىندە 783 ميلليون تەڭگەسى وتەلدى»، - دەدى بەكايداروۆ.

بۇل تۇرعىدا جەر تەلىمىن ءبولۋ مەن ونىڭ نىسانالى ماقساتىن وزگەرتۋ كەزىندە كوبىنە پارا الۋ، الاياقتىق جانە قىزمەتتىك وكىلەتتىگىن تەرىس پايدالانۋ سياقتى ارەكەتتەر انىقتالادى.

«جەر تەلىمىن بەرۋدە اقپاراتقا قولجەتىمدىكتىڭ شەكتەۋلى بولۋى، راسىمدەرىنىڭ اشىق ەمەستىگى بۇل سالادا سىبايلاس جەمقورلىقتىڭ تارالۋىنا ىقپال ەتۋگە جاعداي جاسايدى. وسىعان دەيىن جەر تەلىمىن ازاماتتارعا ءبولۋ تەتىگىن قايتا قاراستىرۋ، سونداي-اق جەر ۋچاسكەسى بويىنشا اقپاراتتى جاسىرعانى ءۇشىن لاۋازىم يەلەرىن اكىمشىلىك جاۋاپكەرشىلىگىن قاتاڭداتۋ ۇسىنىلعان بولاتىن»، - دەدى ول.

سوڭعى جاڭالىقتار