دەمالىس كۇندەرى قازاقستاندا اۋا رايى قانداي بولادى؟

نۇر-سۇلتان. قازاقپارات - سينوپتيكتەر 13-15- شىلدە كۇندەرى قازاقستاندا اۋا رايى قانداي بولاتىنىن ايتتى، دەپ حابارلايدى قازاقپارات قازگيدرومەتكە سىلتەمە جاساپ.

«يراك جانە يران اۋماعىنان كوتەرىلگەن ىستىق ءارى قۇرعاق اۋانىڭ جىلجىپ كەلۋى قازاقستانداعى اپتاپ ىستىققا سەبەپ بولىپ وتىر. دەمالىس كۇندەرى رەسپۋبليكانىڭ كوپشىلىك وبلىستارىنداعى ەڭ جوعارى اۋا تەمپەراتۋراسى 35-40 گرادۋس اينالاسىندا ىستىق بولادى. وڭتۇستىك وڭىرلەردە بۇدان دا ىستىق بولىپ، كۇندىز اۋا تەمپەراتۋراسى 40-45 گرادۋسقا دەيىن كوتەرىلۋى مۇمكىن»، - دەلىنگەن حابارلامادا.

شىعىستا ازداپ سالقىنداۋ بولادى، جەكەلەگەن اۋدانداردا جاڭبىر سەبەلەپ ءوتىپ، كۇندىزگى اۋا تەمپەراتۋراسى 25-35 گرادۋس ارالىعىندا بولادى. قازاقستاننىڭ باتىسىندا دا كەي اۋدانداردا جاڭبىر سەبەلەپ ءوتىپ، نايزاعاي ويناۋى مۇمكىن، ىستىق ازداپ باسىلادى.