سوت شەشىمدەرىنىڭ ساپاسىن ارتتىرۋ قاجەت - قاسىم-جومارت توقايەۆ

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ جوعارعى سوت ءتوراعاسى جاقىپ اسانوۆتى قابىلدادى، دەپ حابارلادى اقوردانىڭ باسپا ءسوز قىزمەتى.

قازاقستان پرەزيدەنتىنە جوعارعى سوتتىڭ بيىلعى ءبىرىنشى جارتىجىلدىقتا اتقارعان جۇمىستارىنىڭ قورىتىندىلارى جانە سوت جۇيەسىن جەتىلدىرۋ بارىسى جونىندە مالىمەت بەرىلدى.

جاقىپ اسانوۆ ازاماتتىق پروتسەسسۋالدىق كودەكستى ودان ءارى جاڭعىرتۋعا باعىتتالعان زاڭ جوبالارىنىڭ دايىندىعى جانە جاڭا اكىمشىلىك ادىلەت ينستيتۋتىن ەنگىزۋ جونىندە باياندادى.

قاسىم-جومارت توقايەۆ سوت شەشىمدەرىنىڭ ساپاسىن ارتتىرۋ جانە ازاماتتاردىڭ وتىنىشتەرىن مۇقيات ءارى ءادىل قاراۋ قاجەتتىگىن ايتتى.

پرەزيدەنتتىڭ پىكىرىنشە، سۋديالاردىڭ قۇزىرەتتىگىن جانە ولاردى ىرىكتەۋ تەتىكتەرىنىڭ اشىقتىعىن قامتاماسىز ەتۋگە قويىلاتىن تالاپتى ەرەكشە نازارعا الۋ كەرەك.