رەسەي «دۇنيەجۇزىلىك ۋكراين كونگرەسىن» قاجەتسىز ۇيىمدار قاتارىنا ەنگىزدى

 نۇر-سۇلتان. قازاقپارات - رەسەي باس پروكۋراتۋراسى ەل اۋماعىندا جۇمىس ىستەيتىن «دۇنيەجۇزىلىك ۋكراين كونگرەسى» اتتى كانادالىق ۇكىمەتتىك ەمەس ۇيىمىن ەلگە «قاجەتسىز ۇيىمدار» قاتارىنا ەنگىزدى.

باس پروكۋراتۋرا مالىمدەمەسىندە ۇيىمنىڭ جۇمىسى «رەسەي قاۋىپسىزدىگى مەن كونستيتۋتسيا نەگىزدەرىنە قاۋىپ توندىرەتىنى» جازىلعان.

«دۇنيەجۇزىلىك ۋكراين كونگرەسى» 1967-جىلى ا ق ش- تا قۇرىلعان. شتاب-پاتەرى تورونتو قالاسىندا ورنالاسقان. كونگرەسس سايتىندا ۇيىمنىڭ دۇنيەجۇزىندەگى ۋكراين دياسپورالارىنىڭ ۇيلەستىرۋشىسى ەكەنى جازىلعان.

«قاجەتسىز ۇيىمدار تۋرالى» زاڭعا رەسەي پرەزيدەنتى ۆلاديمير پۋتين 2015-جىلدىڭ مامىر ايىندا قول قويعان. قۇجاتقا سايكەس، مۇنداي ۇيىمدارعا رەسەي اۋماعىندا جۇمىس ىستەۋگە جانە ولارمەن ارىپتەستىك ورناتۋعا تىيىم سالىنعان.

قاجەتسىز ۇيىمدار تىزىمىنە باس پروكۋرور نەمەسە ونىڭ ورىنباسارى «ەلدىڭ قاۋىپسىزدىگى مەن كونستيتۋتسياسىنا قاۋىپ ءتوندىرۋى مۇمكىن» دەپ تاپقان كەز-كەلگەن ۇيىم ەنۋى مۇمكىن. تىزىمگە ەنگەن ۇيىمنىڭ رەسەيدەگى شوتتارى بۇعاتتالىپ، زاڭدى بۇزعاندارعا 500 مىڭ رۋبل كولەمىندە ايىپپۇل سالىنىپ، سەگىز جىلعا دەيىن باس بوستاندىعىنان ايىرىلۋ جازاسى دا قاراستىرىلعان.

«ازاتتىق»