+7 (701) 759 90 19
8 °С : نۇر-سۇلتان
15 °С : الماتى
USD 389.98 EUR 434.01
RUB 6.10 CNY 55.04
جاڭالىقتار

داۋرەن ابايەۆ جالعان اقپاراتتىڭ ادامدارعا قالاي اسەر ەتەتىنىن ايتتى

12 شىلدە 10:33
:ءبولىسۋ
داۋرەن ابايەۆ جالعان اقپاراتتىڭ ادامدارعا قالاي اسەر ەتەتىنىن ايتتى

نۇر-سۇلتان. قازاقپارات - ق ر اقپارات جانە قوعامدىق دامۋ ءمينيسترى داۋرەن ابايەۆ جالعان اقپاراتتاردىڭ كوبەيۋى تۋرالى ايتتى، دەپ حابارلايدى قازاقپارات.

«بۇل ءۇردىس سوڭعى ۋاقىتتا كەڭ تاراپ كەلەدى. ءبىز اشىق وتىرىككە جانە اقپاراتتىق مانيپۋلياتسياعا ءجيى تاپ بولىپ ءجۇرمىز. مۇنىڭ باستى نەگىزگى سەبەبى - انونيمدىك. مۇنداي بەلگىسىزدىك جالعان فاكتىلەردى تاراتىپ، جازاسىز قالۋعا مۇمكىندىك بەرىپ وتىر. ارينە، ەڭ الدىمەن بەلگىلى تۇلعالار، شەنەۋنىكتەر، بيزنەسمەندەر شابۋىل نىسانىنا اينالۋدا»، - دەدى مينيستر حابار ارناسىنداعى «اشىق ديالوگ» باعدارلاماسىندا.

ونىڭ ايتۋىنشا، جالعان اقپاراتتىڭ باسىم بولىگى ساياسي بولىپ كەلەدى. ياعني، قاسكويلەر جالعان اقپارات بەرىپ قانا قويماي، وقىرماندى بەلگىلى ءبىر تۇجىرىم جاساۋعا يتەرمەلەيدى. مۇنى تاپسىرىسپەن جازىلعان ماتەريالدىڭ بەلگىسى دەپ تە اتاۋعا بولادى.

«جالعان اقپاراتتاردى ابىرويدى ءتۇسىرۋشى نە شيەلەنىس تۋعىزۋ ارەكەتى عانا ەمەس، ناقتى ءبىر ادامعا پسيحولوگيالىق شابۋىل دەپ تە اتاعان ءجون. ارينە، تانىمال ادامداردىڭ بۇعان ەتى ۇيرەنگەن. ءبىراق، ولاردىڭ جاقىندارى مەن تۋىستارىنا دا سوققى ءتيىپ جاتادى. ءاربىر رەپوست پەن لايكتىڭ ارتىندا جازىقسىز ادامداردىڭ تاعدىرى تۇرۋى مۇمكىن. ءبىر بيزنەسمەن تۋرالى WhatsApp-تا جالعان اقپارات تارادى. ءبىر كۇندى ءىستىڭ ءمان-جايى انىقتالدى. ءبىراق، كاسىپكەردىڭ اكەسى اۋرۋحاناعا ءتۇستى. ونىڭ دەنساۋلىعىنا زاقىم كەلدى. جالعان حاباردىڭ ارتىندا كىم تۇرعانىن ەشكىم بىلمەيدى»، - دەدى د. ابايەۆ.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات