ۇلى بريتانيادا جۇرگىزۋشىسىز تراكتور نۇسقاسى ۇسىنىلدى

 نۇر-سۇلتان. قازاقپارات - بۇگىندە جارتىلاي اۆتوماتتاندىرىلعان فەرمالار ۇيرەنشىكتى نارسەگە اينالدى. ەندى ولاردىڭ ورنىن بىرتىندەپ اۆتونومدى شارۋاشىلىقتار باسىپ كەلەدى، دەپ حابارلايدى «حابار 24».

 وسى رەتتە اۋىل شارۋاشىلىعى تەحنيكاسىن قۇراستىراتىن بريتاندىق كومپانيا جۇرگىزۋشىنى ءتىپتى وپەراتوردى دا قاجەت ەتپەيتىن تراكتور نۇسقاسىن ۇسىندى. بۇل كولىكتە جۇرگىزۋشى كابيناسى جوق. جانە ول تۇگەلدەي دەرلىك ەلەكترونيكامەن جابدىقتالىپتى.

 قۇراستىرۋشىلاردىڭ ايتۋىنشا، ولار تولىقتاي باعدارلامالانعان. سوندىقتان تاۋلىك بويى توقتاۋسىز جۇمىس ىستەپ، شارۋالاردىڭ ونىمدىلىگىن ارتتىرۋعا سەپتىگىن تيگىزە الادى. دەي تۇرعانمەن، وزىق تەحنولوگيانى شارۋاشىلىققا ەنگىزۋ ءۇشىن ءالى دە ۋاقىت كەرەك سەكىلدى. سەبەبى مۇنداي كولىكتەر ءبىر جاعىنان وتە قىمبات بولسا، ەكىنشىدەن كەز كەلگەن ايماققا جاراي بەرمەيدى ەكەن.

www.24.kz