بەردىبەك ساپاربايەۆ: ديۆاندا جاتىپ جاقسى ناتيجەلەرگە قول جەتكىزۋ مۇمكىن ەمەس

None
None
نۇر- سۇلتان. قازاقپارات - ق ر ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپاربايەۆ پەن ق ر قورعانىس ءمينيسترى نۇرلان ەرمەكبايەۆ ارىس قالاسىنىڭ ارداگەرلەرىمەن كەزدەستى.

بۇل تۋرالى قازاقپارات مينيسترلىكتىڭ باسپا ءسوز قىزمەتىنە سىلتەمە جاساپ حابارلايدى.

نەسيەنى كەشىرەتىن جارلىق جايلى ارداگەرلەرمەن كەزدەسۋ بارىسىندا ءبىرقاتار وزەكتى ماسەلەلەر، سونىڭ ىشىندە ارىس تۇرعىندارىن جۇمىسقا ورنالاستىرۋدى قامتاماسىز ەتۋ ماسەلەلەرى تالقىلاندى.

«ەڭبەك مينيسترلىگى مەن تۇركىستان وبلىسىنىڭ اكىمدىگى قالا تۇرعىندارىنىڭ جۇمىسقا ورنالاسۋىنا جانە جەكە كاسىبىن اشۋعا كومەك كورسەتەدى. ەشكىم جۇمىسسىز قالمايدى. بۇل ماسەلە ەرەكشە باقىلاۋعا الىنعان»، - دەپ اتاپ كورسەتتى ساپاربايەۆ.

 سونىمەن قاتار، ول قالانى قالپىنا كەلتىرۋ، تۇرعىن ءۇي، الەۋمەتتىك جانە ينفراقۇرىلىمدىق نىسانداردى جوندەۋ جۇمىستارىنا ارىس تۇرعىندارىن وزدەرىن دە بەلسەندى قاتىسۋعا شاقىردى.

«بۇل جۇمىس ءۇشىن ەڭبەكاقى تولەنەدى، ءبىر ايدا ورتا ەسەپپەن 150 مىڭ تەڭگە تابۋعا بولادى. ديۆاندا جاتىپ الىپ جاقسى ناتيجەلەرگە قول جەتكىزۋ مۇمكىن ەمەس ەكەندىگىن جەرلەستەرگە جەتكىزۋلەرىڭىزدى سۇرايمىن. مەملەكەت بەرىپ وتىرعان مۇمكىندىكتەردى بارىنشا پايدالانۋىمىز كەرەك»، - دەدى ساپاربايەۆ.

 سونىمەن قاتار، ۆەدومستۆو باسشىسى ارىس تۇرعىندارىن ارانداتۋشىلىققا ەرمەۋگە شاقىردى. «كەيبىر جەرلەستەر جەكەلەگەن ادامداردىڭ جالعان اقپاراتى مەن ارانداتۋىنا ەرىپ كەتتى. كۇللى قازاقستاندىقتار ارىس تۇرعىندارىنا قول ۇشىن سوزعان ساتتە، ولاردىڭ كەيبىرەۋلەرى وزدەرىنىڭ تالاپتارىن الدىعا تارتتى. ارانداتۋشىلاردىڭ ارباۋىنا تۇسپەۋىمىز كەرەك!»، - دەدى ساپاربايەۆ.

مينيستر پرەزيدەنتتىڭ تاپسىرماسى بويىنشا ارىس قالاسىنىڭ تۇرعىن ءۇي، الەۋمەتتىك جانە ينفراقۇرىلىمدىق نىساندارىن قالپىنا كەلتىرۋ جۇمىستارىنىڭ جالعاسىپ جاتقانىن اتاپ ءوتتى. قالپىنا كەلتىرۋ جۇمىستارىنا قازاقستاننىڭ بارلىق وڭىرلەرى بەلسەنە اتسالىسۋدا. ءىسساپار بارىسىندا بەردىبەك ساپاربايەۆ تۇركىستان وبلىسىنىڭ ءبىرقاتار اۋداندارىن ارالادى، سونداي- اق الەۋمەتتىك مەكەمەلەر مەن جۇمىسپەن قامتۋ ورتالىقتارىنىڭ جۇمىس بارىسىمەن تانىسىپ، «بەلسەندى ۇزاق ءومىر ءسۇرۋ ورتالىعى» مەن شىمكەنت قالاسىنىڭ جۇمىسپەن قامتۋ ورتالىعىنا باردى.

سوڭعى جاڭالىقتار