ۋكراين الپينيسى ىلە الاتاۋى شىڭىنان قۇلاپ كەتتى

الماتى. قازاقپارات - ۋكراين الپينيسى ىلە الاتاۋى شىڭىنان قۇلاپ كەتتى، دەپ حابارلايدى قازاقپارات ءتىلشىسى.

قۇتقارۋ قىزمەتىنىڭ باسپا ءسوز قىزمەتى حابارلاعانداي، شۇعىل حابارلاما 11 - شىلدەدە 16:32- دە تۇسكەن. «ءبىر توپ كاسىبي الپينيست ىلە الاتاۋىنىڭ شىڭدارىنا ورمەلەۋگە شىعادى. قۇزعا ورمەلەپ بارا جاتقان جەرىنەن 33 جاستاعى ۋكراين الپينيسى قۇلاپ كەتتى. ابىروي بولعاندا، امان قالدى، ءبىراق جاراقاتتانعان. «109» قىزمەتىنىڭ ەكيپاجى وقيعا ورنىنا شۇعىل اتتانعان. قۇتقارۋ وپەراتسياسىن الپينيستەر فەدەراتسياسىنىڭ ماماندارى مەن قۇتقارۋشىلار جاساعى جۇزەگە اسىردى»، - دەدى باسپا ءسوز قىزمەتىنەن.

 جاراقات العان سپورتشىعا العاشقى مەديتسينالىق كومەك كورسەتىلدى. دارىگەرلەر وعان ميى شايقالعان دەگەن دياگنوز قويدى. ول اۋرۋحاناعا جەتكىزىلدى.

اۆتور: گۇلميرا عوسمانالي