قاسىم-جومارت توقايەۆ سىرتقى ىستەر ءمينيسترىن قابىلدادى

نۇر-سۇلتان. قازاقپارات - مەملەكەت باسشىسى سىرتقى ىستەر ءمينيسترى بەيبىت اتامقۇلوۆتى قابىلدادى، دەپ حابارلايدى اقوردا.

قاسىم-جومارت توقايەۆقا قازاقستان دەلەگاتسياسىنىڭ قىرعىزستاندا وتكەن «ەۋروپالىق وداق - ورتالىق ازيا» اتتى مينيسترلەر كونفەرەنتسياسىنا جانە سلوۆاكيادا وتكەن ەۋروپاداعى قاۋىپسىزدىك جانە ىنتىماقتاستىق ۇيىمى سىرتقى ىستەر مينيسترلەرىنىڭ بەيرەسمي كەڭەسىنە قاتىسقانى جونىندە مالىمەت بەرىلدى.

قاسىم-جومارت توقايەۆ قازاقستاننىڭ ستراتەگيالىق سەرىكتەستەرمەن جانە حالىقارالىق ۇيىمدارمەن ىنتىماقتاستىعىن جانداندىرۋ قاجەتتىگىن ايتتى.

كەزدەسۋ بارىسىندا مەملەكەت باسشىسىنىڭ قاتىسۋىمەن وتەتىن الداعى سىرتقى ساياسي ءىس-شارالار كەستەسى قاراستىرىلدى.