22:46, 11 - شىلدە 2019 | GMT +6
يگور كرۋتوي ديماش جولداعان ەستافەتانى قابىل الدى
نۇر-سۇلتان. قازاقپارات - رەسەيدىڭ حالىق ءارتىسى يگور كرۋتوي ديماش قۇدايبەرگەن جولداعان ەستافەتانى قابىل الدى، دەپ حابارلايدى قازاقپارات.
«ديماش قۇدايبەرگەننىڭ @kudaibergenov.dimash ۇلى ابايدىڭ 175 جىلدىعىنا وراي اقىننىڭ ولەڭدەرىنەن ءۇزىندى وقۋ ەستافەتاسىن زور قۇرمەتپەن قابىل الدىم. وسى ەستافەتانى ق ر رەسەيدەگى توتەنشە جانە وكىلەتتى ەلشىسى يمانعالي تاسماعانبەتوۆكە جولدايمىن»، - دەپ جازادى يگور كرۋتوي ءوزىنىڭ الەۋمەتتىك جەلىدەگى پاراقشاسىندا.
ايتا كەتەيىك، بۇعان دەيىن ق ر پرەزيدەنتى قاسىم-جومارت توقايەۆ 9 جاستاعى مەكتەپ وقۋشىسىنىڭ ەستافەتاسىن قابىل الىپ، ونى ءبىلىم جانە عىلىم ءمينيسترى اسحات ايماعامبەتوۆكە، مادەنيەت جانە سپورت ءمينيسترى اقتوتى رايىمقۇلوۆاعا جانە بۇكىل الەمدى مويىنداتقان تالانتتى ءانشى ديماش قۇدايبەرگەنگە جولداعان ەدى.