مەملەكەتتىك ورگانداردا سۇرانىسقا يە كولىك ماركالارى

None
None
نۇر-سۇلتان. قازاقپارات - «قازاۆتو ونەر كاسىپ» مەملەكەتتىك ورگاندار مەن ۇلتتىق كومپانيالار تاراپىنان قىزمەتتىك كولىك ساتىپ الۋ ەسەبىن جاريالادى، دەپ حابارلايدى قازاقپارات.

اتاپ ايتقاندا، 2019-جىلعى ءبىرىنشى جارتىجىلدىق كەزەڭدە مەملەكەتتىك ورگاندار مەن ۇلتتىق كومپانيالار 17,2 ميلليارد تەڭگەگە 2294 اۆتوموبيل ساتىپ العان. بۇل وتكەن جىلعى كورسەتكىشتەن 15,2 پايىزعا جوعارى.

«وتكەن جىلى مەملەكەت قابىلداعان شارالار كوپتەگەن مەملەكەتتىك ورگاندار مەن ۇلتتىق كومپانيالارداعى ساتىپ الۋلار ساياساتىن قايتا قاراستىرۋعا ىقپال ەتتى. 2019-جىلعى التى ايدىڭ قورىتىندىسى بويىنشا الىناتىن قىزمەتتىك تەحنيكانىڭ بارلىعىنا جۋىعى (99 پايىزى) قازاقستاندا قۇراستىرىلعان اۆتوموبيلدەرگە تيەسىلى بولدى»، - دەلىنگەن تاراتىلعان مالىمەتتە.

مەملەكەتتىك مەكەمەلەر اراسىندا LADA برەندىنىڭ جەڭىل كولىكتەرى سۇرانىسقا يە بولدى. وتكەن كەزەڭدە وسى ماركاداعى 813 تەحنيكا ساتىپ الىندى. تور-5 قۇرامىنا UAZ (534 كولىك ساتىپ الىندى)، Skoda  299 كولىك، KIA   236  جانە Hyundai 184  ەندى.

سوڭعى جاڭالىقتار