ارىستاعى تەمىر جول دەپوسى قويماسىنان ءورت شىقتى

 ارىس. قازاقپارات - ارىس قالاسىندا تەمىر جول دەپوسى قويماسىنان ءورت شىقتى. بۇل تۋرالى تۇركىستان وبلىسى اكىمىنىڭ كەڭەسشىسى ساكەن قالقامانوۆ الەۋمەتتىك جەلىدەگى پاراقشاسىندا جاريا ەتتى، دەپ حابارلايدى قازاقپارات.

 «ارىس قالاسىنداعى تەمىر جول دەپوسىنىڭ ت چ ە 32 سەحىندا ءورت شىقتى. بارلىق ءورت ءسوندىرۋ قىزمەتى جالىندى اۋىزدىقتاۋعا جۇمىلدىرىلدى. ءورتتى سوندىرۋگە ت ج ق جەكە قۇرامىنان 55 ادام مەن 8 تەحنيكا تارتىلعان. الدىن الا بولجامدار بويىنشا، ءورتتىڭ شىعۋىنا ۆاگونداردى جوندەۋ كەزىندە دانەكەرلەۋ قۇرالىن دۇرىس پايدالانباۋ سەبەپ بولعان. ورتتەن قالا تۇرعىندارىنىڭ ومىرىنە ەشقانداي قاۋىپ ءتونىپ تۇرعان جوق. توتەنشە جاعدايدى ماماندار باقىلاۋىنا العان» ، - دەدى ساكەن قالقامانوۆ.