وزبەكستاندا العاشقى قازاقستاندىق بانك اشىلدى

تاشكەنت. قازاقپارات - وزبەكستان استاناسىندا قازاقستاندىق «Tenge Bank» بانكىنىڭ اشىلۋ سالتاناتى ءوتتى. بۇل تۋرالى قازاقپارات س ءى م باسپا ءسوز قىزمەتىنە سىلتەمە جاساپ حابارلايدى.

بانكتىڭ اشىلۋى اعىمداعى جىلدىڭ مامىر ايىندا وزبەكستان رەسپۋبليكاسىنىڭ ورتالىق بانكىنىڭ «قازاقستان حالىق بانكى» ا ق ەنشىلەس ۇيىمىنىڭ «Tenge Bank» قارجى وپەراتسيالاردى جۇزەگە اسىرۋعا ليسەنزيا بەرۋى ارقاسىندا جۇزەگە اسىرىلدى. بۇل وزبەكستان رەسپۋبليكاسىنىڭ اۋماعىندا العاشقى قازاقستاندىق بانك. ءىس- شارانى اشا وتىرىپ، ەلىمىزدىڭ وزبەكستانداعى ەلشىسى دارحان ساتىبالدى قازاقستان بانكىنىڭ اشىلۋ ماسەلەسىن جەدەل پىسىقتاعانى ءۇشىن وزبەكستان ۇكىمەتى مەن ورتالىق بانكىنىڭ باسشىلىعىنا العىسىن ءبىلدىردى. جەكە جانە زاڭدى تۇلعالارعا بانكتىك قىزمەت كورسەتۋ ءۇشىن «Tenge Bank» بارلىق جاعدايدى جاسايدى.

 ەلشى قازاقستاندىق جانە وزبەك كاسىپكەرلەرى اراسىندا ەكسپورتتىق- يمپورتتىق وپەراتسيالار جۇرگىزۋ مۇمكىندىگىن كەڭەيتەتىن ساۋدانى قارجىلاندىرۋ تەتىگىن ەرەكشە اتاپ ءوتتى. اشىلۋ ءراسىمى اياقتالعاننان كەيىن ءىس- شاراعا قاتىسۋشىلار بانك اكىمشىلىك كورپۋسىنا بارىپ، ۇسىنىلعان بانك ونىمدەرىمەن، سونداي- اق بانكتىڭ ورتا مەرزىمدى كەزەڭگە ارنالعان اعىمداعى جوسپارلارى مەن دامۋ پەرسپەكتيۆالارىمەن تانىستى.