امەريكالىق كاسىپكەر تۋريستەرگە قازاقستانعا كەلۋگە كەڭەس بەرەدى

 نۇر-سۇلتان. قازاقپارات - قازاقستاندا بولعان امەريكالىق ىسكەرلىك توپ وكىلدەرى مەن تۋريستەر ءوز ەلدەرىندە قازاقتىڭ دارحان دالاسىنان العان اسەرلەرىمەن ءبولىستى، - دەپ حابارلايدى «حابار 24».

شەتەلگە ساياحاتتاۋدى ۇناتاتىن ا ق ش حالقى ۇلى دالا ەلىنىڭ بىرەگەيلىگىن ەرەكشە اتاپ ءوتتى.

ولار ەڭ الدىمەن قازاق ەلىندەگى تۇمسا تابيعات الەمىمەن جانە تاريحي ەسكەرتكىشتەرمەن جاقىنىراق تانىسۋعا شاقىرادى.

بۇعان قوسا، اليس دايسارت ەسىمدى نيۋدجەرسيلىك كاسىپكەر قازاق ارۋلارىنىڭ دا سۇلۋلىلىعى مەن نازىكتىگىنە قايران قالعان.

«ءبىز قازاقستاندا تاۋەلسىزدىكتىڭ 25 جىلدىعى تويلانىپ جاتقاندا بولدىق. سول كەزدە قازاق ەلىنىڭ باس قالاسىن ارالاپ كوردىك. شاھار زاماناۋي ستيلدە سالىنعان، ساۋلەتى ەرەكشە. جانە الداعى ۋاقىتتا ودان ءارى قارىشتاپ دامي تۇسەدى دەپ سەنەمىز. جالپى مەن امەريكالىقتاردىڭ ەلدەرىڭىزگە ات باسىن بۇرىپ، قازاق ەلىمەن، مادەنيەتىمەن جاقىنىراق تانىسسا دەيمىن»، - دەيدى اليس دايسارت.