+7 (701) 759 90 19
-2 °С : نۇر-سۇلتان
4 °С : الماتى
USD 389.98 EUR 434.01
RUB 6.10 CNY 55.04
جاڭالىقتار

بيە سۇتىنەن جاسالعان «قازاق شوكولادىنىڭ» پايداسى

11 شىلدە 17:17
:ءبولىسۋ
بيە سۇتىنەن جاسالعان «قازاق شوكولادىنىڭ» پايداسى

نۇر-سۇلتان. قازاقپارات - سالاۋاتتى ونىمدەر تۋرالى قالىپتاسقان تۇسىنىگىمىز قانشالىقتى ورىندى؟

مىسالى، قانت قوسىلعان ءسۇت ونىمدەرىن - ءتۇرلى يوگۋرتتەردى قالىپتاسقان داعدىمىزعا ساي بالالارعا ۇسىنعان كەزدە ولاردىڭ دەنساۋلىعىنا قانشالىقتى پايدا نەمەسە زيان اكەلەتىندىگى تۋرالى ويلانا بەرمەيمىز.

سوندىقتان، وسى «ءتاتتى» قانتتىڭ «اششى» زاردابىن تاتامىز. بۇل تۋرالى قازاق تاعامتانۋ اكادەمياسىنىڭ پرەزيدەنتى تورەگەلدى شارمانوۆ ءوز پىكىرىمەن ءبولىستى، - دەپ حابارلايدى Kaz.tengrinews.kz ءتىلشىسى.

جالپى، «ءتاتتى» دەگەن تۇسىنىكتى قانتتىڭ دامىنەن اجىراتۋ قاجەت، سەبەبى، قانت - زياندى جانە ۋىتتى زاتتەك، حيميا ونەركاسىبى زامانىنىڭ جاناما اسەرى مول، جاساندى تۋىندىسى.

دەمەك، «قانت - حالىق دەنساۋلىعىنىڭ جاۋى» دەپ ايتۋعا تولىق نەگىز بار.

بۇرىنعى زاماندا قازاقتار قۇرتتى، ىرىمشىكتى قانت قوسپاي ازىرلەگەن عوي، قازاقتىڭ ءداستۇرلى ۇلتتىق تاعام ونىمىندە قانت بولماعان. ءار تاعامنىڭ ءوزىنىڭ ۇنامدى تابيعي ءدامى بولادى.

مىسالى، بيە سۇتىندە لاكتوزانىڭ مولشەرى سيىر سۇتىندەگىگە قاراعاندا 1,5 ەسە كوپ بولعاندىقتان، ودان جاسالعان ونىمدەردىڭ ۇنامدى تاتتىلەۋ ءدامى بار. سونداي-اق، بيە ءسۇتى - قۇرامىندا زياندى ترانسماي قىشقىلدارى بولمايتىن، تابيعاتتا كەزدەسەتىن جالعىز ءسۇت كوزى.

سالىستىرۋ ءۇشىن: سيىر سۇتىندە 8 پايىزعا دەيىن ترانسماي قىشقىلدارى كەزدەسەدى. ال سۇيىق مايدى تەحنولوگيالىق وڭدەۋ بارىسىندا اتالعان زياندى ترانسماي قىشقىلدارى ودان دا كوپ مولشەردە - 11 پايىزعا دەيىن تۇزىلەدى.

سونىمەن قاتار، بيە ءسۇتىنىڭ اقۋىزدارى نازىك البۋميندى تەكتەس كەلەدى، بۇل دەگەنىمىز ونىڭ سيىر سۇتىنە قاراعاندا (ونىڭ اقۋىزدارى - كازەيندى تەكتەس - اۋىرلاۋ) جەڭىل سىڭىمدىلىگىن كورسەتەدى.

«ءبىزدىڭ قازاق تاعامتانۋ اكادەمياسى وسى تۇجىرىمداردى عىلىمي دالەلدەۋىن جالعاستىرا وتىرىپ، بيە سۇتىنەن سالاۋاتتى تاعام ونىمدەرىن ازىرلەپ شىعاردى. اتاپ ايتقاندا، الەمدە تۇڭعىش رەت بيە ءسۇتى نەگىزىندەگى شوكولادتى ازىرلەپ، بۇگىندە اكادەميانىڭ عيماراتىندا ورنالاسقان كونديتەرلىك سەحتا ونىڭ ونەركاسىپتىك شىعارىلىمى ىسكە اسىرىلىپ جاتىر. بيە ءسۇتى نەگىزىندەگى «قازاق شوكولادى» ءداستۇرلى ۇلتتىق تاعام ونىمدەرىنىڭ قاتارىن مولايتۋىمەن قاتار دەنساۋلىققا پايدالى ەكەندىگىن ەسكەرۋ قاجەت. بۇل - كوپتەگەن تاماقتانۋعا تاۋەلدى اۋرۋلار كەزىندە، مىسالى، جۇرەك-قانتامىر، اسقازان-ىشەك جولدارى اۋرۋلارىندا، قانت ديابەتىندە، ارتىق دەنە سالماعى بولۋىندا، اللەرگيا كەزىندە، يممۋنيتەتتىڭ السىرەۋىندە، ت. ب، سونداي-اق، بالالار تاعامىندا ەمدامدىك پروفيلاكتيكالىق ماقساتتا تۇتىنۋدا پايداسى دالەلدەنگەن ءونىم»، - دەيدى تورەگەلدى شارمانوۆ.

2017-جىلى بيە ءسۇتى نەگىزىندەگى شوكولادتى ءوندىرۋ ءىسى مەملەكەت تاراپىنان قولداۋ تاۋىپ، ءبىلىم جانە عىلىم مينيسترلىگىنىڭ عىلىم قورى ارقىلى ارنايى گرانت ءبولىنىپ، ءونىم «قازاقستان عىلىمىنىڭ ءونىمى» بەلگىسىنىڭ اياسىندا شىعارىلادى. ءوندىرىس تۋرالى اقپاراتتى مىنا جەردەن كورۋگە بولادى.

بيىل مامىر سوڭىندا پارلامەنت سەناتىنىڭ ءتوراعاسى داريعا نازاربايەۆا باستاعان دەپۋتاتتار دەلەگاتسياسى الماتى قالاسىنا جۇمىس ساپارىنىڭ اياسىندا قازاق تاعامتانۋ اكادەمياسىنا ارنايى بارىپ، بيە ءسۇتى نەگىزىندەگى شوكولادتى ءوندىرۋ ىسىمەن تانىسىپ، وعان جوعارى باعاسىن بەردى.

«بۇل - بۇكىل الەم ديەتولوگتارىنىڭ ارمانى» - دەپ تۇجىرىمدادى داريعا نازاربايەۆا. ماۋسىم ايىنىڭ سوڭىندا نۇر-سۇلتان قالاسىندا ءبىلىم جانە عىلىم مينيسترلىگىنىڭ عىلىم قورى عيماراتىندا بيە ءسۇتى نەگىزىندەگى شوكولادتى ازىرلەۋگە ارنالعان جوبانى ىسكە اسىرۋ شەڭبەرىندە سەمينار ءوتتى.

ونىڭ اياسىندا جينالعان تۇتىنۋشىلار قاۋىمى شوكولادتىڭ ءدامىن سىناپ، ونىڭ پايدالى قاسيەتتەرىمەن قاتار ءدامىنىڭ ۇنامدى ەكەندىگىن دە اتادى.

«بۇگىنگى تاڭدا عىلىمي-تەوريالىق تۇجىرىمداردى ءىس جۇزىندە دالەلدەپ، ناتيجەسىندە پايدالى ءونىم شىعارىپ، حالىق دەنساۋلىعىن نىعايتۋعا ۇلەس قوسۋ ارقىلى بەرەكەلى بولاشاقتىڭ نەگىزىن قالاۋ ۇستىندەمىز»، - دەپ تۇيىندەدى قازاق تاعامتانۋ اكادەمياسىنىڭ پرەزيدەنتى.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات