قازاقستاندىق بوكسشى «كانەلونىڭ» پروموۋتەرلەرىمەن كەلىسىم شارتقا وتىردى

 نۇر-سۇلتان. قازاقپارات - قازاقستاندىق بوكسشى رۋسلان ماديەۆ تانىمال وتانداسى گەننادي گولوۆكيننىڭ كومانداسىنان كەتكەننەن كەيىن، ساۋل «كانەلو» الۆارەستىڭ پروموۋتەرلەرىمەن كەلىسىم شارتقا قول قويعان دەپ حابارلايدى Sports.kz.

وتاندىق سپورتشى التى سالماق دارەجەسىندەگى بۇرىنعى الەم چەمپيونى وسكار دە لا حويا نەگىزىن قالاعان Golden Boy Promotions امەريكالىق پروموۋتەرلىك كومپانياعا قوسىلعان.

ايتا كەتەرلىگى، قاراعاندىلىق بوكسشى Golden Boy Promotions ۇيىمىنىڭ پوستكەڭەستىك كەڭىستىكتەن شىققان العاشقى كليەنتى.

ماديەۆ جاڭا پروموۋتەردىڭ قولداۋىمەن ءوزىنىڭ العاشقى جەكپە-جەگىن كاليفورنيا شتاتىنداعى كارسون قالاسىندا Dignity Health Sports Park ارەناسىندا وتكىزەدى.

قازاقستاندىق 32 جاستاعى فيليپپيندىك بوكسشى ريككي سيسمۋندوعا قارسى شىقپاق.