ارىستا ءۇيى، دۇكەنى جانە ءۇش كولىگى ورتەنىپ كەتكەن تۇرعىن ۇكىمەت باسشىسىنان كومەك سۇرادى

None
None
ارىس. قازاقپارات - ق ر پرەمەر- ءمينيسترى اسقار مامين ارىس قالاسىنا جۇمىس ساپارى بارىسىندا جەرگىلىكتى تۇرعىندارمەن كەزدەسىپ، جاعدايلارىن ءبىلدى.

قالالىق حالىققا قىزمەت كورسەتۋ ورتالىعىن ارالاۋ كەزىندە ۇكىمەت باسشىسىنان ءۇيى تولىقتاي ورتەنىپ كەتكەن تۇرعىن كومەك سۇرادى، دەپ حابارلايدى قازاقپارات ءتىلشىسى.

ىلەسحان مىڭبايەۆتىڭ ايتۋىنشا، جارىلىس كەزىندە ونىڭ ۇيىنە سنارياد ءتۇسىپ، جاڭادان العان ءۇش كولىگى مەن باسپاناسى، دۇكەنى مەن قورا جايى تولىقتاي جانىپ كەتكەن. وسىلايشا، كۇندەلىكتى تابىسىنان ايىرىلعان ازاماتتىڭ ءۇش قويى عانا ءتىرى قالىپتى.

قازىرگى تاڭدا بۇل وتباسى اپاتتان كەلگەن شىعىن كولەمىن 100 ميلليون تەڭگەگە باعالاپ وتىر. وسىنشاما شىعىنعا باتىپ، وتباسىمەن دالادا قالعان ارىستىق تۇرعىن كولىكتەرىنىڭ شىعىنىن ەشكىم وتەپ بەرمەي جاتقانىن ايتادى. كولىك ساقتاندىرۋ كومپانيالارى مەن جەرگىلىكتى بيلىك شىعىنداردىڭ وتەلمەيتىنىن ايتىپتى.

Арыста үйі, дүкені және үш көлігі өртеніп кеткен тұрÒ

«جارىلىستان 2012، 2013 جانە 2014 -جىلى شىعارىلعان ءۇش كولىگىم جانىپ كەتتى. سىزدەن كومەك سۇراماساق، باسقا جاقتان كومەك بولماي تۇر. سەبەبى، ساقتاندىرۋ كومپانياسى باس تارتىپ جاتىر. ولار تەك جول كولىك وقيعاسى كەزىندە عانا تولەيمىز دەيدى. سوعان كومەك بەرسەڭىز»، - دەدى ىلەسحان مىڭبايەۆ.

 بۇل ماسەلەنى ۇكىمەت باسشىسى اسقار مامين قاراستىرىپ كورەتىنىن اتاپ ءوتتى. ال، ارىستىق تۇرعىننىڭ ورتەنگەن ءۇيى مەن دۇكەنىن شىعىس قازاقستان وبلىسى سالىپ بەرەتىنىن جەتكىزدى.

اۆتور: اينۇر اقبايەۆا

سوڭعى جاڭالىقتار