الماتى اكىمىنىڭ جاڭا ورىنباسارى تاعايىندالدى

الماتى. قازاقپارات - ق ر پرەزيدەنتى اكىمشىلىگىنىڭ كەلىسىمىمەن الماتى اكىمىنىڭ وكىمىمەن ساپاربەك تۇياقبايەۆ الماتى اكىمىنىڭ ورىنباسارى لاۋازىمىنا تاعايىندالدى، دەپ حابارلايدى قازاقپارات ءتىلشىسى.

س. تۇياقبايەۆ 1979 -جىلى تۋعان. 2001 -جىلى تاياۋ شىعىس تەحنيكالىق ۋنيۆەرسيتەتىن، 2004 -جىلى تورونتو ۋنيۆەرسيتەتىن ءتامامداعان. ەڭبەك جولىن 2005 -جىلى باستاعان. 2005-2009 -جىلدارى مەملەكەتتىك قىزمەت ىستەرى بويىنشا اگەنتتىكتە، قازاقستاننىڭ رەسەيدەگى ەلشىلىگىندە، ق ر يندۋستريا مەن ساۋدا مينيسترلىگىندە، ق ر پرەزيدەنتى اكىمشىلىگىندە قىزمەت ەتكەن.

2011-2017 -جىلدارى و ق و اكىمىنىڭ ورىنباسارى بولىپ قىزمەت ەتتى.

2016 -جىلدىڭ قازانىنان - ق ر ينۆەستيسيالار جانە دامۋ مينيسترلىگىنىڭ ينۆەستيسيالار كوميتەتىنىڭ ءتوراعاسى، 2017 -جىلدىڭ قاراشاسىنان «Kazakh Invest»  ۇ ق باسقارما ءتوراعاسى قىزمەتىندە ەڭبەك ەتكەن.

اكىمنىڭ بۇرىنعى ورىنباسارى مارات سەمبەكوۆ باسقا جۇمىسقا اۋىسۋىنا بايلانىستى قىزمەتىنەن بوساتىلدى.