قازاقستاندىقتاردىڭ تاكسي قىزمەتىن پايدالانۋ كورسەتكىشى ارتتى
«2019 -جىلدىڭ 5 ايىندا قالاداعى ەلەكترمەن جۇرەتىن كولىكپەن جانە اۆتوموبيل كولىگىمەن 9,4 ميلليارد جولاۋشى تاسىمالدانعان. بۇل بىلتىرعى ءدال وسى كەزەڭمەن سالىستىرعاندا، 2,6% ارتىق. قازاقستاندىقتار بۇرىننان ەڭ ءجيى قولداناتىن كولىك ءتۇرى اۆتوبۋسپەن 7,1 ميلليارد جولاۋشى تاسىمالدانعان. بۇل بىلتىرعىدان %2,2 از»، - دەلىنگەن حابارلامادا.
قازاقستاندا جۇرت ءجيى قولداناتىن كولىكتەردىڭ ەكىنشىسى - تاكسي. تاكسي قىزمەتىن تۇتىنۋ كورسەتكىشى ءبىر جىلدا %21,8 ءوسىپ، بيىلعى بەس ايدا 2,2 ميلليارد جولاۋشىعا جەتكەن. ترامۆاي تاسىمالى دا ارتىپ كەلەدى. مۇنداعى جىلدىق ءوسىم %12,2، ياعني 12,5 ميلليون ادامعا جەتكەن.
اۆتوموبيل جانە قالاداعى ەلەكترمەن جۇرەتىن كولىكپەن جولاۋشى تاسىمالداۋدان تۇسكەن تابىس بيىلعى قاڭتاردان مامىرعا دەيىن 42,9 ميلليارد تەڭگەگە جەتتى. بىلتىرعى تابىس 41 ميلليارد تەڭگە بولاتىن. ال اۆتوبۋستاردىڭ تابىسى بىلتىرعى 37,9 ميلليارد تەڭگەدەن 37,2 ميلليارد تەڭگەگە قىسقارعان.
ال تاكسي اتاۋلىنىڭ تابىسى بىردەن بەس ەسە ءوسىپ، 2,4 ميلليارد تەڭگەدەن اسىپ جىعىلعان.
اۆتوبۋستا ءجۇرۋ قۇنى قازاقستاندا ورتاشا 76 تەڭگە. ءىرى قالالاردىڭ اراسىندا نۇر-سۇلتان، وسكەمەن جانە قىزىلوردا تۇرعىندارى كوبىرەك تولەۋگە ءماجبۇر. ءتىپتى، نۇر-سۇلتاندا كارتاڭىز بولماسا، 180 تەڭگە تولەيسىز.
ءىرى قالالاردىڭ اراسىندا تەك اقتوبەدە جول ءجۇرۋ قۇنى وسكەن (%45,5+، 80 تەڭگەگە دەيىن).
اۆتور: دانيار داۋىتاليەۆ