+7 (701) 759 90 19
-2 °С : نۇر-سۇلتان
1 °С : الماتى
USD 384.63 EUR 427.98
RUB 6.08 CNY 54.68
جاڭالىقتار

شىعىس قازاقستاندا التىنمەن اپتالعان بۇعىنىڭ باستارى تابىلدى

11 شىلدە 11:45
:ءبولىسۋ
شىعىس قازاقستاندا التىنمەن اپتالعان بۇعىنىڭ باستارى تابىلدى

وسكەمەن. قازاقپارات - شىعىس قازاقستاننىڭ تارباعاتاي اۋدانىنداعى ەلەكە سازى جايلاۋىندا كەڭ اۋقىمدى ارحەولوگيالىق قازبالار ءجۇرىپ جاتىر.

بىلتىر «التىن ادام» تابىلعان اۋماقتان بيىل التىنمەن اپتالعان بۇعىنىڭ باستارى شىقتى، دەپ حابارلايدى قازاقپارات ءتىلشىسى.

بيىل ەلەكە سازىندا اينالاسى 25 شاقىرىمعا جايىلعان قورىمدار كەشەنى زەرتتەلىپ جاتىر. جاڭا تابىلعان جادىگەرلەردى وبلىس اكىمى دانيال احمەتوۆ كورىپ قايتتى. بەلگىلى ارحەولوگتار زەينوللا ساماشەۆ پەن ابدەش تولەۋبايەۆ باستاعان جەتى توپ جانە ءال-فارابي اتىنداعى قازاق مەملەكەتتىك اكادەمياسىنىڭ ەكسپەديتسياسى سىرتىنان سىنتاستارمەن قورشالعان قورىمدار كەشەنىنە «پاتشا قورعانى» دەپ ات قويىپتى. «پاتشا قورعانىنان» تابىلعان جادىگەرلەردىڭ اراسىندا ءمۇيىزى التىن سىمنان ورىلگەن بۇعى باسىنىڭ ۇساق پىشىندەرى بۇل ولكە ءۇشىن تىڭ تۋىندى بولىپ وتىر.


null

«ەلەكە سازى ەسكەرتكىشىنەن وتكەن جىلى «التىن ادام» تابىلسا، بيىل دا وتە قىزىقتى زاتتار تاۋىپ جاتىرمىز. ولار ءبىزدىڭ زامانىمىزعا دەيىنگى Ⅷ عاسىرداعى اتا-بابالارىمىزدىڭ مادەنيەتىن، تۇرمىس-تىنىسىن كورسەتەدى. بۇلار تەك العاشقى تابىلعان مۇرالار، قالعاندارى وسى ايدىڭ سوڭىندا، تامىزدىڭ باسىنا قاراي بولىپ قالادى»، - دەيدى زەينوللا ساماشەۆ.


null

ابدەش تولەۋبايەۆتىڭ ايتۋىنشا، ەكى اپتادان كەيىن «ساردار-1» ۇلكەن جەرلەۋ كامەراسى اشىلادى. زەرتتەۋ جۇرگىزىلىپ جاتقان بۇل قورىمدا ءبىرقاتار كونە مەديتسينالىق قۇرالدار، سونىمەن قاتار، ەرتە ساق كەزەڭىنە جاتاتىن تاس پىشاقتار بار.

وبلىس اكىمى اتالمىش جادىگەرلەر الداعى ۋاقىتتا ەۋروپا تورىندە ۇيىمداستىرىلاتىن كورمەلەرگە قويىلاتىنىن ايتادى.

«بۇل - قازاقستان تاريحىنا جاڭا كوزقاراس. حالقىمىزدىڭ تاريحىن قايتا جازدىراتىن تىڭ مۇرالار. ءبىزدىڭ تەك كوشپەلى ەل بولماعانىمىزدى ايقىندايدى. اتا-بابامىزدىڭ ءبىزدىڭ زامانىمىزعا دەيىنگى Ⅷ عاسىردا جوعارى دەڭگەيدەگى وركەنيەتتى قالىپتاستىرعانىن دالەلدەيدى. تەرەڭ ءبىلىم مەن تەحنولوگيا ءتىلىن بىلگەنىن كورسەتەدى. ونى ءبىز بۇكىل الەمگە كورسەتۋىمىز كەرەك. كەلەر جىلى «ۇلى دالا التىندارى» كورمەسىن ستامبۋلدا، ال 2020 -جىلى انگليانىڭ مۋزەيلەرىنىڭ بىرىندە ۇيىمداستىرۋدى جوسپارلاپ وتىرمىز»، - دانيال احمەتوۆ.


null


null

«پاتشا قورعانىنىڭ» جانىنان قازىلعان ۇساق قورىمداردىڭ ىشىندە ءار سيپاتتا جەرلەنگەن ادام سۇيەكتەرى تابىلعان. اسىرەسە، باسىنا تاس جاستىق قويىپ، بىرگە جەرلەنگەن انا مەن بالانىڭ سۇيەگى دە زەرتتەۋشىلەردىڭ نازارىنا ىلىگىپ وتىر.


null

«تاعى ءبىر مولادا جاس ءوسپىرىم بالانى بەسىك سۇلباسىندا جاسالعان تاسقا سالىپ جەرلەگەن. بۇل شامامەن قولا كەزەڭىنىڭ مادەنيەتىنە جاتادى. ونىڭ قاسىندا قويدىڭ ەتى سالىنعان كەراميكالىق قۇمىرا بار. قۇمىرانىڭ ءوزى ەرتە ساق داۋىرىنە كەلەدى. ال ءۇشىنشى ەسكەرتكىش شامامەن ءۇيسىن، قۇلاجورعا مادەنيەتىنە جاقىن. ەر ازاماتتىڭ سۇيەگىنىڭ قاسىندا پىشاق، قۇمىرا، سونداي-اق، قۇيرىق ماي قويىلعان. وعان دالەل قۇيىمشاقتان قالعان قالدىق»، - دەيدى ارحەولوگ زەينوللا ساماشەۆ.


null

«ەلەكە سازى القابىندا ءبىزدىڭ زامانىمىزعا دەيىنگى Ⅷ عاسىردان ءبىزدىڭ زامانىمىزدىڭ Ⅷ عاسىرىنا دەيىنگى ارالىقتى قامتىعان ۇزىلمەگەن بايلانىس جاتىر. ءسوزسىز، جۇمىستى بىتىرگەننەن كەيىن بۇل القاپ حالقىمىزدىڭ ماقتانىشى بولادى. سونداي-اق، مۇندا ازياداعى جالعىز «قاعان» كەشەنىن زەرتتەپ جاتىرمىز. ءبىز موڭعوليادا تابىلعان بىلگە قاعان، كۇلتەگىن كەشەندەرىن بىلەمىز. ەلەكە سازىندا تابىلعان بىرەگەي كەشەن سونىڭ سىزباسىن قايتالايدى. جاقىن ارادا ءبىزدىڭ ەكى مىقتى عالىمىمىز الەمگە جاڭا قازاقستاندى پاش ەتەدى دەگەن سەنىمدەمىن»، - دەيدى دانيال احمەتوۆ.


null
null
null


باستى سوزدەر: مادةنيةت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات