+7 (701) 759 90 19 Лента
19 °С : Нур-Султан
34 °С : الماتى
USD 384.06 EUR 429.19
RUB 6.08 CNY 55.83
جاڭالىقتار

امەريكالىق كورپوراتسيا ەڭ ءىرى ۇشاق شىعارۋشى مارتەبەسىنەن ايرىلىپ قالۋى مۇمكىن

11 شىلدە 12:01 365
:ءبولىسۋ
امەريكالىق كورپوراتسيا ەڭ ءىرى ۇشاق شىعارۋشى مارتەبەسىنەن ايرىلىپ قالۋى مۇمكىن

نۇر-سۇلتان. قازاقپارات - امەريكالىق Boeing كورپوراتسياسى ازاماتتىق اۆياتسياداعى ەڭ ءىرى ۇشاق ءوندىرۋشى اتاعىنان ايرىلىپ، ەۋروپالىق باسەكەلەسى Airbus-تىڭ باسىپ وزۋىنا جول بەرۋى مۇمكىن.

  بۇل اقپاراتتى امەريكالىق ب ا ق 9 - شىلدەدە حابارلادى.

Boeing كومپانياسى 2012 - جىلدان بەرى ۇشاق ءوندىرۋ سالاسىندا «بىرىنشىلىكتى» ەشكىمگە بەرمەي كەلەدى. الايدا 737 MAX ۇشاقتارىنىڭ ەكى بىردەي اپاتى مەن ولاردىڭ ۇشۋىن ۋاقىتشا توقتاتۋ كومپانياعا ەلەۋلى زيان تيگىزگەن.

دۇيسەنبى، 8 - شىلدەدە ساۋد ارابياسىنىڭ Flyadeal اۋە كومپانياسى Boeing ۇشاقتارىنا بەرگەن تاپسىرىسىنان باس تارتىپ، Airbus ۇشاقتارىن ساتىپ الاتىنىن مالىمدەدى. ناتيجەسىندە Boeing التى ميلليارد دوللار شىعىنعا باتتى. Flyadeal Airbus كومپانياسىنا 30 ۇشاققا تاپسىرىس بەرىپ، تاعى 20 ۇشاق ساتىپ الۋى مۇمكىن ەكەنىن حابارلادى.

737 MAX ۇشاقتارىنىڭ يندونەزيا مەن ەفيوپياداعى اپاتتارىنان كەيىن 2019 -جىلدىڭ العاشقى جارتىسىندا Boeing ۇشاقتارىن ساتىپ الۋ ءۇش ەسەگە ازايعان. اپاتتان كەيىن ۇشاقتارى ايلاقتا بوس توقتاپ تۇرعان اۋەتاسىمالداۋشىلار ۇشاق ءوندىرۋشى كومپانيادان وتەماقى تالاپ ەتۋگە قۇقىلى. بۇل Boeing- ءتىڭ قارجىلىق جاعدايىن ودان ءارى قيىنداتپاق. قازىردىڭ وزىندە اپاتتان قازا تاپقان جولاۋشىلاردىڭ تۋىستارىنان Boeing-كە قارسى ونداعان ارىز تۇسكەن.

كەي ساراپشىلار Flyadeal اۋەكومپانياسىنىڭ تاپسىرىستان باس تارتۋى سياقتى وقيعاعا بۇرىن- سوڭدى كەزىكپەگەن Boeing ءۇشىن «الاڭداۋعا تۇرارلىق جايت» دەپ وتىر. بيىل پاريجدە وتكەن ۇشاقتار كورمەسىندە British Airways 200 737 MАХ  ۇشاعىن ساتىپ العىسى كەلەتىنىن حابارلاعان.

ءساۋىر ايىندا Boeing كومپانياسى 737 MАХ  ۇشاعى ۇشپاي قالعاندىقتان شىعىندى جابۋعا ءبىر ميلليارد دوللار بولگەنىن مالىمدەگەن. الايدا ساراپشىلار شىعىن كولەمى كۇرت ۇلعايۋى مۇمكىن دەپ وتىر. كومپانيا  737 MАХ جاڭا ۇشاقتارىن جەتكىزۋدى بيىل ناۋرىز ايىندا توقتاتقان.

www.azattyq.org


باستى سوزدەر: الةم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات