اسقار مامين شىمكەنتتەگى ءىرى جۇيە قۇراۋشى كاسىپورىنداردى ارالادى
بۇل تۋرالى primeminister.kz سايتىندا حابارلاندى.
اتاپ ايتقاندا، اسقار مامين مەتاللۋرگيا، فارماتسيەۆتيكا، تاماق ونەركاسىبى، كولىك ينفراقۇرىلىمىن دامىتۋ سالالارىنداعى ينۆەستيتسيالىق جوبالاردىڭ ىسكە اسىرىلۋ بارىسىن تەكسەردى.
كەلگەن بەتتە اسقار مامين شىمكەنت قالاسىنداعى اۋەجايدىڭ جاڭا تەرمينالىنىڭ جوباسىمەن تانىستى. قۇرىلىس جۇمىستارى ا. ج. شىلدە ايىندا باستالعان، 2020 -جىلى مامىر ايىندا اياقتالادى. قالا اكىمدىگىنىڭ مالىمەتتەرىنشە، سىيىمدىلىعى ساعاتىنا 400 جولاۋشى بولاتىن تەرمينالدى پايدالانۋعا بەرۋ جولاۋشىلار اعىمىن 10 ەسە ارتتىرادى.
ق ر ۇكىمەتىنىڭ باسشىسى «حيمفارم» زاۋىتىنا بارىپ، وندا وتاندىق فارماتسيەۆتيكالىق يندۋستريانىڭ دامۋ قارقىنىن تەكسەردى. كاسىپورىندا ءدارى- دارمەكتەردىڭ 71 ءتۇرى وندىرىلەدى، بۇل كەپىلدەندىرىلگەن تەگىن مەديتسينالىق كومەك كولەمىنىڭ اياسىندا ساتىپ الىناتىن ءدارى- دارمەكتەردىڭ جالپى كولەمىنىڭ ۇشتەن ءبىر بولىگىنەن استامىن قۇرايدى.
كاسىپورىندى ارالاۋ اياسىندا قازاقستان پرەمەر- ءمينيسترى ينەكسيالىق پرەپاراتتار مەن ينفۋزيالىق ەرىتىندىلەردى ءوندىرۋ بويىنشا سەحتىڭ جاراقتاندىرىلۋىن كوردى، سونداي-اق «مودەلدىك سيفرلىق فابريكالار» جوباسىنىڭ اياسىندا ىسكە قوسىلعان سيفرلىق ينجەنەرلىك جانە ءبىلىم بەرۋ ورتالىعىنىڭ جۇمىسىن باعالادى. قازىرگى كەزدە حالىقارالىق ستاندارتتارعا سايكەس جۇمىس ىستەپ تۇرعان فارماتسيەۆتيكالىق وندىرىستەردى جاڭعىرتۋ بويىنشا $108 ملن سوماسىنا اسا ءىرى ينۆەستيتسيالىق جوبا ىسكە اسىرىلۋدا.
شىمكەنت قالاسى قازاقستاننىڭ ءىرى ونەركاسىپتىك ورتالىقتارىنىڭ ءبىرى. وڭىردە ونەركاسىپتىك ءوندىرىس كولەمىن ارتتىرۋ بويىنشا جۇرگىزىلىپ جاتقان جۇمىستارمەن تانىسۋ ماقساتىندا اسقار مامين يندۋستريالىق- يننوۆتسيالىق دامۋ مەملەكەتتىك باعدارلاماسى اياسىندا ىسكە قوسىلعان «وڭتۇستىك» يندۋستريالىق ايماعى اۋماعىنداعى «Shymkent Temir» ەكسپورتقا باعىتتالعان كاسىپورىنعا باردى. مەتاللۋرگيا زاۋىتىنىڭ جوبالىق قۋاتتىلىعى - جىلىنا 250 مىڭ توننا بولات دايىنداماق.
وسى جەردە ق ر پرەمەر-مينيسترىنە تۇركىستان وبلىسىنداعى قۋاتتىلىعى جىلىنا 1 ميلليون توننا تەمىر بولاتىن تاۋ- كەن- مەتاللۋرگيا كەشەنى قۇرىلىسىنىڭ جوباسى تانىستىرىلدى. اتاپ ايتقاندا، تىكەلەي قالپىنا كەلتىرىلەتىن تەمىر وندىرەتىن زاۋىت پەن كەن بايىتۋ فابريكاسىنىڭ قۇرىلىسى كوزدەلگەن.
ءوڭىر ەكونوميكاسىن دامىتۋدا «قاراپايىم زاتتار ەكونوميكاسىنا» ەرەكشە ءرول بەرىلگەن. ق ر ۇكىمەتىنىڭ باسشىسى «راحات- شىمكەنت» ج ش س- ىنا بارىپ، تاماق ونىمدەرىنىڭ ءوندىرىس پروتسەسىن كوردى.
زاماناۋي جابدىقتارمەن جاراقتالعان فابريكا جىلىنا 24 مىڭ تونناعا دەيىن 30 اتاۋ بويىنشا 4 ءتۇرلى كونديتەرلىك ونىمدەر شىعارادى. ق ر پرەمەر-ءمينيسترى اسقار مامينگە 2020 -جىلى مارمەلاد پەن قانتتى پەچەنە شىعاراتىن جاڭا جەلىنى ىسكە قوسۋ بويىنشا ينۆەستيسيالىق جوبانى جۇزەگە اسىرۋ جوسپارلانىپ وتىرعانى تۋرالى باياندالدى.
ارالاۋ قورىتىندىسى بويىنشا ق ر ۇكىمەتىنىڭ باسشىسى قالا اكىمىنە شىمكەنت ق. دامۋىنىڭ 2023 -جىلعا دەيىنگى كەشەندى جوسپارىن ءتيىمدى ورىنداۋدى قامتاماسىز ەتۋ بويىنشا بارلىق قاجەتى شارالاردى قابىلداۋدى تاپسىردى. ينۆەستيتسيالىق جوبالاردى ىسكە اسىرۋ، شىعارىلاتىن ءونىم نومەنكلاتۋراسىن كەڭەيتۋ جانە ءوندىرىس كولەمىن ۇلعايتۋ بويىنشا بيزنەس- قاۋىمداستىقپەن جۇمىستى جانداندىرۋ تاپسىرىلدى. بۇل ءوڭىردىڭ ج ءو ءو كولەمىن 2018 -جىلعى 2 تريلليوننان 2023 -جىلعا قاراي 3,5 تريلليونعا دەيىن ارتتىرۋعا مۇمكىندىك بەرەدى.