10:08, 11 - شىلدە 2019 | GMT +6
سارافاند قالاسىنىڭ جاعالاۋىندا ۋلى بالىق قاپتاپ كەتتى
نۇر-سۇلتان. قازاقپارات - ليۆانداعى سارافاند قالاسىنىڭ جاعالاۋى كرىلاتكا- زەبرا دەپ اتالاتىن جىرتقىش بالىققا تولىپ كەتتى.
ۋلى ءارى تەز كوبەيەتىن سۋ جاندىگىنىڭ پايدا بولعانىنا جەرگىلىكتى بالىقشىلار اشۋلى. ماسەلەن، سولاردىڭ كەسىرىنەن سوڭعى ءۇش جىلدا تەڭىزدەگى الابۇعالاردىڭ سانى كۇرت تومەندەپ كەتتى.
مامانداردىڭ ايتۋىنشا، كەيدە ولار ازىق تابا الماسا شاپ بەرىپ، ءبىر- ءبىرىن جەي باستايدى ەكەن. ەكولوگتار جىرتقىش بالىقتاردىڭ كوبەيۋىنە سۋەتس كانالىنداعى جوندەۋ جۇمىستارى سەبەپ بولدى دەپ وتىر. ال جەرگىلىكتى تۇرعىندار بيلىكتى ماسەلەنىڭ شەشىمىن تابۋ ءۇشىن ءتيىستى شارالاردى قولعا الۋعا شاقىرادى.