09:08, 11 - شىلدە 2019 | GMT +6
تۇركىستان قالاسىنىڭ جاڭا لوگوتيپى قانداي بولادى
تۇركىستان. قازاقپارات - تۇركىستان قالاسىنىڭ جاڭادان تاعايىندالعان اكىمى راشيد ايۋپوۆ وبلىس ورتالىعى لوگوتيپىنىڭ بىرنەشە جوباسىن ۇسىندى.
بۇل تۋرالى قالا اكىمدىگىنىڭ Facebook الەۋمەتتىك جەلىسىندەگى رەسمي پاراقشاسىندا جاريا ەتىلدى، دەپ حابارلايدى قازاقپارات ءتىلشىسى.
اكىم وسى جوبالاردىڭ ىشىنەن تاڭدالعان ۇلگى قالاداعى كوپتەگەن نىسانداردا پايدا بولاتىنىن اتاپ ءوتتى.
«سىزدەرگە تۇركىستاننىڭ جاڭا لوگوتيپىنىڭ جوباسىن ۇسىنامىن. ءبىز وندا ەجەلگى جانە قازىرگى زامانعى ميكستى كورسەتۋگە تىرىستىق. قالا ءوزىنىڭ تاريحي كەلبەتىن ساقتاي وتىرىپ، زاماناۋي بولۋى كەرەك. لوگوتيپتىڭ نەگىزگى سارىنى جىبەك جولى بويىنداعى قوزعالىس. تاياۋدا ول قوعامدىق تىڭداۋدا، سودان كەيىن ءماسليحات سەسسياسىندا تالقىلاناتىن بولادى. ەگەر بەكىتىلسە، جاڭا لوگوتيپ قالاداعى كوپتەگەن نىسانداردا پايدا بولادى»، - دەدى قالا اكىمى راشيد ايۋپوۆ.
