+7 (701) 759 90 19
-13 °С : نۇر-سۇلتان
-10 °С : الماتى
USD 385.01 EUR 425.78
RUB 6.05 CNY 54.68
جاڭالىقتار

جازعى ۋنيۆەرسيادا: قازاقستان قورجىنىنا التىنشى مەدال ءتۇستى

11 شىلدە 08:34
:ءبولىسۋ
جازعى ۋنيۆەرسيادا: قازاقستان قورجىنىنا التىنشى مەدال ءتۇستى

نۇر-سۇلتان. قازاقپارات - يتاليانىڭ نەاپول قالاسىندا ءوتىپ جاتقان جازعى ۋنيۆەرسيادا ويىندارىندا قازاقستان قورجىنىنا التىنشى مەدال ءتۇستى، دەپ حابارلايدى قازاقپارات ءتىلشىسى.

قازاقستاندىق جەلاياق ميحايل ليتۆين ۋنيۆەرسيادانىڭ كۇمىس جۇلدەگەرى اتاندى. جەڭىل اتلەت 400 مەترلىك قاشىقتىققا جۇگىرۋدە مارە سىزىعىن ەكىنشى بولىپ قيدى. ونىڭ كورسەتكىشى - 46,77 سەكۋند. ءبىرىنشى ورىن مەكسيكالىق ۆالەنتە مەندوسقا بۇيىرسا، ۇزدىك ۇشتىكتى وڭتۇستىك افريكادان كەلگەن گاردەو يساكس تۇيىندەدى.

ەستەرىڭىزگە سالا كەتەلىك، بۇگىنگى كۇنگە دەيىن ءبىزدىڭ ەلىمىزدىڭ قورجىنىنا بەس مەدال ءتۇستى. دزيۋدودان عالىمجان قىرىقباي چەمپيوندىق تۇعىرعا كوتەرىلسە، كۇمىس جۇلدەگە گيمناستيكادان ناريمان كۋربانوۆ پەن ميلاد كاريمي قول سوزدى. سونداي-اق، ستەند اتۋدان زويا كراۆچەنكو كۇمىس، سارسەنكۇل رىسبەكوۆا قولا جۇلدەگەر اتاندى.

مەدالدار سانى جونىنەن جالپى كوماندالىق ەسەپتە قازاقستان 14 -ورىندا كەلەدى. كوش باسىندا جاپونيا، قىتاي، ا ق ش، رەسەي جانە وڭتۇستىك كورەيا قۇرامالارى كەلەدى.

جازعى ۋنيۆەرسيادا ويىندارى 3-14 -شىلدە ارالىعىندا وتكىزىلەدى. وعان الەمنىڭ 170 مەملەكەتىنەن سپورتشىلار كەلدى. ۋنيۆەرسيادادا 5971 ۇمىتكەر سپورتتىڭ 18 تۇرىنەن 222 مەدال جيىنتىعىن ساراپقا سالادى. جارىسقا قاتىسۋشىلار فۋتبول، باسكەتبول، ۆولەيبول، سۋ دوبى، سۋدا ءجۇزۋ، سۋعا سەكىرۋ، سپورتتىق گيمناستيكا، كوركەم گيمناستيكا، دزيۋدو، جەڭىل اتلەتيكا، ۇستەل تەننيسى، جەلكەندى سپورت، رەگبي، نىسانا كوزدەۋ، ساداقپەن اتۋ، تەننيس، تحەكۆوندو، سەمسەرلەسۋ سەكىلدى سپورت تۇرلەرىنەن باق سىناپ جاتىر.

بيىلعى جازعى ۋنيۆەرسيادا ويىندارىندا ءبىزدىڭ ەلىمىزدىڭ اتىنان 94 سپورتشى ەل نامىسىن قورعاپ جاتىر. ولاردىڭ اراسىندا سەمسەرلەسۋدەن 18، جەڭىل اتلەتيكادان 16، تحەكۆوندودان 15، ساداقپەن اتۋدان 8، نىسانا كوزدەۋدەن 10، سپورتتىق جانە كوركەم گيمناستيكادان 6، تەننيستەن 4، دزيۋدودان 10، سۋعا جۇزۋدەن 7 سپورتشى قاتىسۋدا.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات