ارىستانبەك مۇحامەدي ۇلى جاڭا قىزمەتكە تاعايىندالدى
سونداي-اق، مەملەكەت باسشىسىنىڭ تاعى ءبىر وكىمىمەن الماز شايكەن ۇلى نۇرازحان قازاقستان رەسپۋبليكاسىنىڭ ۇلتتىق مۋزەيىنىڭ ديرەكتورى قىزمەتىنەن بوساتىلدى.
ارىستانبەك مۇحامەدي ۇلى 1963 -جىلى 11 -اقپان كۇنى الماتى وبلىسى تالعار اۋدانىندا دۇنيەگە كەلگەن. ق ر ەڭبەك سىڭىرگەن قايراتكەرى، «قۇرمەت» وردەنىنىڭ يەگەرى. بىرنەشە مارتە ق ر پرەزيدەنتى ن. نازاربايەۆتىڭ العىس حاتىمەن ماراپاتتالعان.
مادەنيەت سالاسىندا «World master» جوعارى اتاعىنا يە. بۇنىڭ الدىندا 2008 -جىلدان بەرى ت. جۇرگەنوۆ اتىنداعى قازاق ۇلتتىق ونەر اكادەمياسىنىڭ رەكتورى قىزمەتىن اتقارعان. ءوزىنىڭ ەڭبەك جولىن 1984 -جىلى جامبىل اتىنداعى قازاق مەملەكەتتىك فيلارمونياسىنىڭ مەملەكەتتىك سيمفونيالىق وركەسترىنىڭ ءارتىسى بولىپ باستاعان. 1991-1993 -جىلدارى ارالىعىندا مادەنيەت مينيسترلىگىندە مامان بولدى. 1993 -جىلى ق ر مادەنيەت ءمينيسترىنىڭ كومەكشىسى بولىپ تاعايىندالدى. ءار جىلدارى ق ر پرەزيدەنتىنىڭ وركەسترىندە قىزمەت اتقاردى. سونىمەن قاتار «قازاق اۋەندەرى» ا ق-نا باسشىلىق ەتتى.
2006 -جىلى ق ر مادەنيەت جانە اقپارات ۆيتسە-ءمينيسترى بولىپ جۇمىس جاسادى.
سونداي-اق، ول ق ر پرەزيدەنتى اكىمشىلىگىنىڭ ىشكى ساياسات ءبولىمىنىڭ مادەنيەت سەكتورىنىڭ مەڭگەرۋشىسى بولعان.
2014 -جىلدان 2019 -جىلدىڭ ماۋسىم ايىنا دەيىن مادەنيەت جانە سپورت ءمينيسترى قىزمەتىن اتقارعان.