+7 (701) 759 90 19
-26 °С : نۇر-سۇلتان
-3 °С : الماتى
USD 387.37 EUR 428.55
RUB 6.06 CNY 55.06
جاڭالىقتار

جاقىپ اسانوۆ پرەزيدەنت سايلاۋىندا سوتقا قانداي ارىزدار تۇسكەنىن ايتتى

10 شىلدە 19:53
:ءبولىسۋ
جاقىپ اسانوۆ پرەزيدەنت سايلاۋىندا سوتقا قانداي ارىزدار تۇسكەنىن ايتتى

نۇر-سۇلتان. قازاقپارات - 2019 -جىلدىڭ 10 -ماۋسىمىندا وتكەن ق ر پرەزيدەنتىنىڭ سايلاۋى كەزىندە سوتقا پرەزيدەنتتىككە ۇمىتكەرلەر مەن ولاردىڭ وكىلدەرىننەن 67 تالاپ-ارىز ءتۇستى. بۇل تۋرالى بۇگىن سۋديالاردىڭ كەڭەيتىلگەن كەڭەسىندە ق ر جوعارعى سوتىنىڭ ءتوراعاسى جاقىپ اسانوۆ ايتتى، دەپ حابارلايدى قازاقپارات ءتىلشىسى.

«راسىندا دا قۇقىق بۇزۋشىلىق ورىن الدى. ونى وزدەرىڭىزدە ب ا ق-تان بىلەسىزدەر. ال كوبىنەسە بىرەۋ باسقا بىرەۋدىڭ اتىنان بيۋللەتەن الىپ، داۋىس بەرۋ قۇقىعىن بۇزۋشىلىق كوپ بولدى. مەنىڭ بىلۋىمشە، پروكۋراتۋرا ورگاندارى 26 اكىمشىلىك ءىس قوزعاپ، ولاردى سوتقا ەنگىزدى. ولار بويىنشا ءبىز بارلىق كىنالى تۇلعالاردى ءتيىستى جاۋاپكەرشىلىككە تارتتىق. ول كوبىنە - ايىپپۇلدار. ونىڭ باسىم كوپشىلىگى سايلاۋ كوميسسيالارىنىڭ مۇشەلەرى، ىشىندە ءتىپتى ءتوراعالارى دا بار»، - دەدى جاقىپ اسانوۆ ب ا ق وكىلدەرىنىڭ ساۋالىنا وراي.

ونىڭ ايتۋىنشا، سايلاۋ كەزىندە تەك بايقاۋشىلار عانا ەمەس سونىمەن بىرگە پرەزيدەنتتىككە ۇمىتكەرلەر، ولاردىڭ وكىلدەرى تالاپ-ارىزدارىن بەرگەن.

«جالپى ولاردىڭ سانى - 67 ى. وسى تالاپ-ارىزداردىڭ باسىم كوپشىلىگىن سۋديالار كەرى قايتارۋعا ءماجبۇر بولدى. ويتكەنى ءبىزدىڭ ازاماتتىق ءىس جۇرگىزۋ كودەكسىمىزدىڭ تالاپتارى بار. سوعان سايكەس جازىلعان تالاپ-ارىزدىڭ فورماسى، مازمۇنى زاڭعا سايكەس بولۋى كەرەك. كوپ جاعدايدا تالاپ-ارىزدىڭ اۆتورلارى ونى ساقتاماعان. مىسالى جاۋاپكەردى كورسەتپەگەن نەمەسە مەن باقىلاۋشىمىن، پرەزيدەنتتىككە ۇمىتكەردىڭ وكىلىمىن دەپ جازعانىمەن مارتەبەسىن دالەلدەيتىن قۇجاتتاردى تىركەمەگەن. نە بولماسا سول تالاپ-ارىزدا وزدەرىنىڭ ناقتى ءبىر ءوتىنىشىن، تالابىن جازباعان. ونداي جاعدايدا ءبىز ارينە ارىزدى كەرى قايتارۋىمىز كەرەك. سۋديالاردىڭ ونداي تالاپ-ارىزداردى قاراۋعا قۇقى جوق. جالپى، ءاربىر ءىس بويىنشا شەشىم قابىلداندى. ال ول شەشىم زاڭدى ما، زاڭسىز با؟ شىنىمدى ايتسام، مەنىڭ وعان باعا بەرۋگە قۇقىم جوق»، - دەدى جوعارعى سوت ءتوراعاسى.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات