جۋرناليستەر اراسىنداعى «نۇر-سۇڭقار» بايقاۋىنىڭ جەڭىمپازدارى انىقتالدى
اتاپ ايتقاندا، بيىل بايقاۋ ونىنشى رەت وتكىزىلۋدە. بۇگىنگى تاڭدا بايقاۋ ەلىمىزدەگى مەديا سالاسىنىڭ قىزمەتكەرلەرىن ىنتالاندىرۋعا باعىتتالعان بەدەلدى ءىس- شارالارىنىڭ بىرىنە اينالدى.
«جاڭا تەحنولوگيالار دامىپ كەلەدى، سۇرانىس وزگەرۋدە. كوپ ادامدار الەمەتتىك جەلىدەن اقپارات الادى. كەز كەلگەن ادامدا ءوز پىكىرىن، ويىن الەۋمەتتىك جەلى ارقىلى حالىققا جەتكىزۋ مۇمكىندىگى بار. دەگەنمەن، كاسىبي جۋرناليستەردىڭ ماڭىزدى ءرولى حالىق ءۇشىن وتە قاجەت»، - دەدى «Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك ماراپاتتاۋ راسىمىندە.
ونىڭ سوزىنە قاراعاندا، پارلامەنت ءماجىلىسىنىڭ دەپۋتاتى قۋانىش سۇلتانوۆ ءتوراعالىق ەتكەن كوميسسيا مۇشەلەرى ب ا ق وكىلدەرى اراسىنان جەڭىمپازداردى انىقتادى.
«وڭاي بولعان جوق، مىڭنان استام ءوتىنىم كەلىپ ءتۇستى. ۇزدىكتەردى انىقتاۋ ءۇشىن كوميسسيا مۇشەلەرى وبەكتيۆتى ءارى اشىق تۇردە شەشىم قابىلدادى»، - دەدى ب. بايبەك.
سونىمەن قاتار، بۇگىنگى سالتاناتتى شارادا ب ا ق وكىلدەرىن قۇتتىقتاۋعا ق ر اقپارات جانە قوعامدىق دامۋ ءمينيسترى داۋرەن ابايەۆ ارنايى كەلدى.
«بۇگىنگى ماڭىزدى وقيعامەن بارلىقتارىڭىزدى قۇتتىقتايمىن. «Nur Suńqar» سىيلىعى مەديا- لاندشافتى وزگەرتتى دەپ ايتۋعا بولادى. بۇل تۇرعىدا وڭ ناتيجە جالعاسىن تابادى دەپ سەنەمىن. ۇزدىكتەر لايىقتى ماراپاتتارعا قول جەتكىزە بەرسىن»، - دەدى مينيستر.
بيىلعى وتكەن بايقاۋ ناتيجەسى نەگىزىندە جەڭىمپازدار 10 اتالىم بويىنشا انىقتالدى. سونىمەن، «Nur Suńqar-2019» بايقاۋىنىڭ جەڭىمپازدارى مىنالار:
«حالىق داۋىسى» اتالىمىندا ۇزدىك تەلەۆيزيالىق جۋرناليست بولىپ «قازاقستان» ر ت ر ك «اپتا» باعدارلاماسىنىڭ رەداكتور-ساراپشىسى ايبەك قوبداباي؛
«كوزقاراس» اتالىمىندا ۇزدىك تەلەۆيزيالىق جۋرناليست بولىپ «حابار24» تەلەارناسىنىڭ شىعارۋشى رەداكتورى جۇراعات بامان؛
«ءسوز زەرگەرى» اتالىمىندا ۇزدىك گازەت جۋرناليسى بولىپ «ەگەمەن قازاقستان» گازەتى باس رەداكتورىنىڭ ورىنباسارى عابيت مۇسىرەپ؛
«ءسوز شەبەرى» اتالىمىندا ۇزدىك گازەت جۋرناليسى بولىپ «ليتەر» رەسپۋبليكالىق قوعامدىق- ساياسي گازەتىنىڭ ءتىلشىسى تالعات يسەنوۆ؛
«مەديا-پروفي» اتالىمىندا ۇزدىك ينتەرنەت باسىلىم جۋرناليسى بولىپ Bnews.kz اقپارات اگەنتتىگىنىڭ باس رەداكتورى اقمارال ولجابايەۆا؛
«جاس سەرپىلىس» اتالىمى بويىنشا ۇزدىك جاس جۋرناليست رەتىندە «حابار» تەلەارناسى» ا ق ساراپتامالىق باعدارلامالار ءبولىمىنىڭ تىلشىلەرى ساكەن ماحامەتكەرىموۆ پەن نازىمگۇل كۇمىسپايەۆا تانىلدى.
سونىمەن قاتار، «ەلباسى سالعان سارا جول» اتالىمىندا ەلباسى قىزمەتىن ەڭ جاقسى كورسەتكەن جاريالانىم ءۇشىن ماراپاتىن «كازاحستانسكايا پراۆدا» گازەتىنىڭ ارنايى ءتىلشىسى يگور پروحوروۆ يەلەندى.
«مايتالمان» اتالىمىندا وتاندىق جۋرناليستيكاعا سىڭىرگەن ەڭبەگى ءۇشىن سىيلىعى «جەتىسۋ» تەلەارناسىنىڭ قىزمەتكەرى نۇرتىلەۋ يمانعالي ۇلىنا بەرىلدى.
مۇنىمەن قوسا، «پارتيالىق جوبالار جايلى جارىق كورگەن ەڭ جاقسى جاريالانىم ءۇشىن» اتالىمىنىڭ سىيلىعى «استانا TV» تەلەارناسىنىڭ اقپاراتتىق-ساراپتالامالىق باعدارلامالار قىزمەتىنىڭ ارنايى ءتىلشىسى ەكاتەرينا برىنيۋك پەن «ايقىن» گازەتىنىڭ شولۋشىسى گۇلجان راحمانوۆاعا تابىستالدى.
«رۋحاني جاڭعىرۋ» قوعامدىق سانانى جاڭعىرتۋ باعدارلاماسىن ىلگەرىلەتۋگە قوسقان ۇلەسى تاعايىندالعان سىيلىق «استانا تەلەارناسى» ج ش س- نىڭ اتقارۋشى پروديۋسەرى بازاركۇل وتىنشيەۆا مەن «اباي» جۋرنالىنىڭ ءتىلشىسى ايگۇل كەمەلبايەۆاعا بەرىلدى.
اۆتور: رۋسلان عابباسوۆ