كارىم ءماسىموۆ ق ر تەرروريزمگە قارسى ورتالىعىنىڭ كەزەكتى وتىرىسىن وتكىزدى

نۇر-سۇلتان. قازاقپارات - 10 -شىلدەدە نۇر-سۇلتان قالاسىندا ۇ ق ك ءتوراعاسى كارىم ءماسىموۆ قازاقستان رەسپۋبليكاسى تەرروريزمگە قارسى ورتالىعىنىڭ كەزەكتى وتىرىسىن وتكىزدى.

بۇل تۋرالى قازاقپارات كوميتەتتىڭ باسپا ءسوز قىزمەتىنە سىلتەمە جاساپ حابارلايدى.

مەملەكەتتىك ورگانداردىڭ باسشىلارى مەن وڭىرلەردىڭ اكىمدەرى 2018 - 2022 -جىلدارعا ارنالعان قازاقستان رەسپۋبليكاسىندا ءدىني ەكسترەميزم مەن تەرروريزمگە قارسى ءىس-قيمىل جونىندەگى مەملەكەتتىك باعدارلامانى ىسكە اسىرۋدىڭ ارالىق قورىتىندىلارىن جاسادى. وسى باعىت بويىنشا جۇمىستى ودان ءارى جەتىلدىرۋ ماسەلەلەرى تالقىلاندى.

ءدىني ەكسترەميزم مەن تەرروريزمنىڭ تارالۋىنىڭ الدىن الۋ تيىمدىلىگىن ارتتىرۋ بويىنشا شارالار قارالدى.

ت ق و وتىرىسىنىڭ ناتيجەلەرى بويىنشا ءبىرقاتار حاتتامالىق شەشىمدەر قابىلداندى.