اقتاۋدا سۋ پەرىسىنە ءمۇسىن ورناتىلدى

اقتاۋ. قازاقپارات - اقتاۋدا تەڭىز جاعاسىنا سۋ پەرىسىنىڭ قولا ءمۇسىنى قويىلدى، دەپ حابارلايدى قازاقپارات ءتىلشىسى.

قولا ءمۇسىندى ينۆەستورلار قالاعا تارتۋ رەتىندە سىيلاعان. ەرەكشە تۋىندىنىڭ بيىكتىگى 130 سانتيمەتر، ۇزىندىعى 110 سانتيمەتر. جالپى سالماعى 130 كەلىنى قۇرايدى.

«سۋ پەرىسىن تاڭداعانىمىزدىڭ وزىندىك تاريحى بار. ءبىر اڭىزدارعا سۇيەنسەك، پوسەيدون وعان كەز-كەلگەن تىلەكتى ورىندايتىن بىلەزىك سىيلاعان. ەگەر ول بىلەزىكتى سۇرتسەڭىز، جاقىن ارادا جەكە باقىتىڭىزدى كەزدەستىرەسىز دەلىنگەن»، - دەيدى جوبا ۇيىمداستىرۋشىلارى.