شىعىس قازاقستاندا التىن تامىر قازعاندار ۇستالدى

وسكەمەن. قازاقپارات - شىعىس قازاقستان وبلىسىنىڭ پوليتسيا دەپارتامەنتى التىن تامىر قازۋمەن اينالىسقان الماتى وبلىسىنىڭ تۇرعىندارىن ۇستادى، دەپ حابارلايدى قازاقپارات ءتىلشىسى.

ش ق و پوليتسيا دەپارتامەنتىنىڭ حابارلاۋىنشا، ساقشىلار جەرگىلىكتى «وحوتزووپروم» مەكەمەسىنىڭ ينسپەكتورلارىمەن بىرگە زايسان اۋدانىندا رەيد جۇرگىزگەن.

وسى رەيد بارىسىندا 12 ادامنان تۇراتىن توپتىڭ قىلمىسى اشكەرەلەنگەن.

«12 ادامنان تۇراتىن توپتان قىزىل كىتاپقا ەنگەن التىن تامىردىڭ 10 قاپ وسكىنى تاركىلەندى. ولاردىڭ بۇل زاڭسىز ارەكەتىن كەڭساي اۋىلىنا قاراستى كوكتومار مەكەنىنىڭ تۇرعىندارى حابارلاعان. قازىرگى تاڭدا ۇستالعانداردىڭ اتى-ءجونى انىقتالدى. 12 ادامنىڭ ەڭ جاسى 21 دە بولسا، ەڭ ۇلكەنى 51 دە. قاپتاعى وسىمدىكتىڭ «التىن تامىر» ەكەنىن راستاۋ ءۇشىن ساراپتاما جۇرگىزىلەدى. كۇدىكتىلەرگە قارسى قىلمىستىق كودەكستىڭ 339-بابى بويىنشا سوتقا دەيىنگى تەرگەۋ باستالدى»، - دەيدى دەپارتامەنتتىڭ باسپا ءسوز قىزمەتىنىڭ مامانى ازامات رايسوۆ.