قۇز باسىنداعى مەشىت

نۇر-سۇلتان. قازاقپارات - بوسنيا مەن گەرتسەگوۆينا اۋماعىنداعى جارتاسقا سالىنعان كونە مەشىت قاسيەتتى رامازان ايىندا جاماعاتقا ەسىگىن ايقارا اشتى.

نەگە ەكەنى بەلگىسىز، جەرگىلىكتى جاماعات ءۇيىنىڭ جانىنداعى مەشىتتە ەمەس، جۇما نامازىن وسىندا وقۋعا ىنتىق. بۇل جايىندا تۇرىكتەردىڭ Yeni Şafak اقپارات كوزى حابار تاراتتى. ءبىز ءسوز ەتىپ وتىرعان، كۋشلات دەپ اتالاتىن تاريحي مەشىتتى تۇرىك پاديشاھى مەحمەت Ⅱ تۇسىندا وسمانلى ساربازدارى تۇرعىزعان بولاتىن. 1993 -جىلى اتالعان ەلدە ورىن العان ازاماتتىق سوعىس كەزىندە مۇسىلمانداردىڭ بۇل قۇلشىلىق ۇيىنە سەربتەر وت قويىپ، ورتەلىپ، زاقىمدالعان بولاتىن.

الايدا، ارادا اتتاي جيىرما جىلدان سوڭ جوندەۋدەن وتكىزىلىپ، قازىرگى قالپىنا كەلتىرىلدى. بۇل مەشىتكە كولىكپەن جەتە المايسىز. جاياۋ-جالپىلاتىپ، تىك ءارى قيا بەتكەيدەن كوتەرىلۋ كەرەك. ءتىپتى، مەشىتكە كوتەرىلگەن كەزدە بيىككە شىققان سايىن بۇركىتتىڭ ۇيالارى جولدا قالادى.

islam.kz