+7 (701) 759 90 19 Лента
18 °С : نۇر-سۇلتان
27 °С : الماتى
USD 386.70 EUR 427.15
RUB 6.06 CNY 54.57
جاڭالىقتار

ەگەۋقۇيرىقتار ادام ءومىرىن قالاي قۇتقارىپ ءجۇر؟

28 ماۋسىم 02:04
:ءبولىسۋ
ەگەۋقۇيرىقتار ادام ءومىرىن قالاي قۇتقارىپ ءجۇر؟

نۇر- سۇلتان. قازاقپارات - ادەتتە كوپ ادام ەگەۋقۇيرىقتاردان جيىركەنىپ، قورقادى. اسىرەسە الپامساداي ءىرى تۇرلەرى ادام زارەسىن العىش كەلەدى. ءبىراق ءدال سول ەگەۋقۇيرىقتار مىڭداعان ادامنىڭ ءومىرىن قۇتقارىپ ءجۇر.

ساپەر- ەگەۋقۇيرىقتار بۇۇ ەسەبى بويىنشا، جاياۋ اسكەرگە قارسى ورناتىلعان مينالار الەمدەگى 75 مەملەكەتتە 26 مىڭنان اسا ادامدى جارالاپ، ءومىرىن قيادى. ءتۇرلى ۋاقىتتا، ءتۇرلى سەبەپپەن ورناتىلعان مينالاردان جاياۋ اسكەر ەمەس، بەيبىت تۇرعىندار زارداپ شەگىپ جاتىر. مىسالى مينا جارىلىسىنان انگولاداعى ءاربىر 500 ءىنشى تۇرعىن اياق- قولىنان ايىرىلعان. ءبىر مينانى ورناتۋدىڭ قۇنى - $30, ال ونى زالالسىزداندىرۋ $300 تۇرادى. زالالسىزداندىرۋ جۇمىستارىنا ەگەۋقۇيرىقتاردى قولدانۋدى العاش 1990 -جىلى انتۆەرپەن ۋنيۆەرسيتەتىندە وقىپ جۇرگەن بەلگيالىق بارت ۆەتيەنس ويلاپ تاپتى.

ەگەۋقۇيرىقتار ادام ءومىرىن قالاي قۇتقارىپ ءجۇر؟


بارت بالا كەزىنەن كەمىرگىشتەرگە قىزىعىپ، ەگەۋقۇيرىقتاردىڭ يىس سەزگىش قاسيەتى مەن ۇيرەتۋگە وڭاي كەمىرگىش ەكەنىن جاقسى بىلگەن. ال ولاردىڭ سالماعى مينالاردىڭ جارىلۋىنا جەتكىلىكسىز، سوندىقتان ارتىق جارىلىسسىز مينالاردى زالالسىزداندىرۋعا بولادى. بارت كەمىرگىشتەرگە ارنالعان جاتتىعۋلار جۇيەسىن جاساپ شىعادى. جانۋارلاردى 5-6 اپتالىعىندا "مەكتەپتە بەرىپ"، "سىناق- قاتە" ءادىسىن ۇيرەتەدى.


ەگەۋقۇيرىقتار ادام ءومىرىن قالاي قۇتقارىپ ءجۇر؟

العاشقى ەكى اپتادا كەمىرگىشتەر شەرتكەن ساۋساق داۋىسىن ەستىسە، تاماق بەرىلەتىنىنە (بانان نەمەسە جاڭعاق) ۇيرەنە باستايدى. بۇعان ماشىقتالعان سوڭ، ەگەۋقۇيرىقتارعا تروتيل ءيىسىن سەزدىرەدى. جاتتىعۋلار بارىسىندا كەمىرگىشتى مينالار كومىلگەن الاڭعا كىرگىزىپ، دەنەسىنە شىلبىر بايلايدى دا، جايلاپ ارالاتادى. ءار دۇرىس تاپقان مينا ءۇشىن ساۋساق شەرتكەن بەلگى بەرىپ، ءبىر بانان بەرەدى.


جاتتىعۋ الاڭىنىڭ كولەمى - 24 گەكتار، وعان 1500 زيانسىز مينا كومىلگەن. ەمتيحان رەتىندە ەگەۋقۇيرىق 20 مينۋت ىشىندە 200 شارشى مەتر اۋماقتى زالالسىزداندىرۋى ءتيىس، قاتە جىبەرۋگە تەك ەكى مۇمكىندىگى بار. سىناقتان وتكەن كەمىرگىشتەر مينالار قاۋپى باسىم ەلدەرگە جىبەرىلىپ، جەرگىلىكتى كليماتقا جارتى جىل ۇيرەنىسىپ جۇمىسقا كىرىسەدى. وسىلاي 2003 -جىلى موزامبيكتەگى 250 گەكتار اۋماقتا 30 ەگەۋقۇيرىق 1500 مينانى تاپقان.


ەگەۋقۇيرىقتار ادام ءومىرىن قالاي قۇتقارىپ ءجۇر؟

وڭاي ءارى ارزان ساپەر- ەگەۋقۇيرىقتاردى ۆيرتۋال تۇردە اسىراپ الۋعا بولادى. بارت ۆەتيەنس نەگىزىن قالاعان ارورو ۇيىمىنىڭ سايتىندا ەگەۋقۇيرىقتى تاڭداپ، ايىنا $7 نەمەسە جىلىنا $77 تولەپ، ونىڭ قالاي ءومىر ءسۇرىپ، قالاي جۇمىس ىستەپ جاتقانىن فوتورەپورتاج ارقىلى باقىلاۋعا بولادى. قاراجات ءار ەگەۋقۇيرىقتىڭ دايىندىعىنا 6000 جۇمسايتىن ارورو ۇيىمىنىڭ قورىنا اۋدارىلادى. 2019 -جىلدىڭ قاڭتار ايىنا سايكەس، ارورو- دا 150 دەن اسا ەگەۋقۇيرىق جۇمىس ىستەگەن.


قىزىعى، بۇل ۇيىم مينا پروبلەماسىن شەشىپ قانا قويماي، ادامداردى جۇمىسپەن قامتىپ وتىر. ەگەۋقۇيرىقتاردى كوبىنە جەرگىلىكتى تۇرعىندار ۇيرەتەدى، ال زالالسىزداندىرىلعان ايماقتار فەرمەرلەرگە بەرىلەدى.

Massaget.kz


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات