قاراعاندىدا دومبىرا كۇنىنە وراي فەستيۆال وتەدى
فەستيۆال كومپوزيتور سەمبەك ايدوس ۇلىنىڭ 155 جىلدىعىنا ارنالعان. وعان «جىر قاعانى» پوەتيكالىق بايقاۋىنىڭ جەڭىمپازى ايدىن بايىس، كۇيشى، قازاق ۇلتتىق ونەر ۋنيۆەرسيتەتىنىڭ پروفەسسورى جانعالي جۇزبايەۆ، ونەرتانۋ دوكتورى اردابي ماۋلەت ۇلى، ونەر قايراتكەرى بولات تاكىشيەۆ، سونداي- اق ءداستۇرلى ورىنداۋشىلار مەدەت وساتايەۆ، ايگۇل باقتوراز قىزى جانە باسقا دا ورىنداۋشىلار قاتىسادى.
"سەمبەك ايدوس ۇلى قاراعاندى وڭىرىندە عانا ەمەس، سونىمەن قاتار باسقا ايماقتاردا دا تانىمال كومپوزيتور جانە كۇيشى. قازاقستاندا ۇلتتىق دومبىرا كۇنى بيىل ەكىنشى جىل اتالىپ وتەدى. وتكەن جىلدىڭ 13 - ماۋسىمىندا نۇرسۇلتان نازاربايەۆ ۇلتتىق مادەنيەت پەن بىرەگەيلىكتى ساقتاۋ جانە قايتا جاڭعىرتۋ يدەياسىنىڭ اينالاسىندا قوعامدى ودان ءارى بىرىكتىرۋ ماقساتىندا وسى مەرەكەنى جاريالاعان بولاتىن. دومبىرا كۇنى جىل سايىن شىلدە ايىنىڭ ءبىرىنشى جەكسەنبىسىندە مەرەكەلەندى"، - دەلىنگەن تاراتىلعان اقپاراتتا.