حالىقارالىق وليمپيادا كوميتەتى حالىقارالىق بوكس قاۋىمداستىعىن مويىندالۋ مارتەبەسىنەن ايىردى
بۇل تۋرالى وليمپيادا كوميتەتى ءمالىم ەتتى، دەپ حابارلايدى قازاقپارات.
اتالمىش شەشىمدى ح و ك مۇشەلەرى ۇزاققا سوزىلعان جانە قىزۋ پىكىرتالاستان كەيىن ءبىراۋىزدان قابىلدادى. ماسەلەن، نەگىزگى سۇراقتار 2020-جىلعى وليمپيادا ويىندارىندا بوكستان كۆاليفيكاتسيالىق جارىستار مەن تۋرنيرلەردى ۇيىمداستىرۋدى قامتاماسىز ەتۋگە مىندەتتەلگەن ماقساتتى توپقا باعىتتالدى.
ەسكە سالايىق، وعان حالىقارالىق گيمناستيكا فەدەراتسياسىنىڭ باسشىسى موريناري ۆاتانابە جەتەكشىلىك ەتەدى. وعان ۋيليام فرەدەريك بليك (ۋگاندا)، ح و ك مۇشەسى، ۆيللي كالتشميتت لۋحان (گۆاتەمالا)، ح و ك اتقارۋ كوميتەتىنىڭ مۇشەسى، ماحمۋد مەدانسي (مىسىر)، ح و ك سپورتشىلارى كوميسسياسىنىڭ مۇشەسى، ماريۋس ۆيزەر (رۋمىنيا)، حالىقارالىق دزيۋدو فەدەراتسياسىنىڭ پرەزيدەنتى ەنگەن.
بۇعان دەيىن اتالمىش توپ بوكس تۋرنيرىنىڭ جارىس باعدارلاماسىنىڭ جوباسىن ۇسىنعان بولاتىن. وليمپيادا-2020 دا ول 13 سالماق ساناتىندا وتەدى (ەرلەر اراسىندا - سەگىز جانە ايەلدەر اراسىندا 5 سالماق بويىنشا).
كۆاليفيكاتسيا كەلەسى جىلدىڭ قاڭتارىندا باستالادى. AIBA ءوز قۇقىعىن توكيوداعى وليمپيادا ويىندارى وتكەننەن كەيىن عانا قالپىنا كەلتىرە الادى.
اتاپ وتىلگەندەي، ح و ك مۇشەلەرى AIBA- نىڭ ۇزاق مەرزىمدى «جارقىن كەلەشەگىنە» كولەڭكە تۇسىرگەن.