08:08, 27 - ماۋسىم 2019 | GMT +6
قاسىم-جومارت توقايەۆ قازاقستان كينەماتوگرافيستەر وداعىنىڭ باسقارما ءتوراعاسى ەرمەك تۇرسىنوۆتى قابىلدادى
نۇر-سۇلتان. قازاقپارات - قاسىم-جومارت توقايەۆ قازاقستان كينەماتوگرافيستەر وداعىنىڭ باسقارما ءتوراعاسى ەرمەك تۇرسىنوۆتى قابىلدادى، دەپ حابارلايدى قازاقپارات اقورداعا سىلتەمە جاساپ.
كەزدەسۋ بارىسىندا ەلىمىزدىڭ كينو يندۋسترياسىن دامىتۋ پەرسپەكتيۆالارى قاراستىرىلدى. قازاقستان پرەزيدەنتى كينو ونەرىنىڭ احۋالى ەلىمىزدىڭ مادەني كەلبەتىن ايقىندايتىنىن اتاپ ءوتىپ، وتاندىق كينەماتوگرافيا ونىمدەرىنىڭ ساپاسىن ارتتىرۋ بويىنشا جۇمىس ىستەۋگە شاقىردى.
مەملەكەت باسشىسىنىڭ ايتۋىنشا، كينو يندۋسترياسىنىڭ، سونىڭ ىشىندە «قازاق فيلم» كينوستۋدياسىنىڭ كەلەشەگىنە قاتىستى ماسەلەلەردى شەشۋ ءۇشىن كەشەندى شارالار قاجەت.
ەرمەك تۇرسىنوۆ ۇلتتىق كينوعا كوڭىل بولگەنى ءۇشىن قاسىم-جومارت توقايەۆقا العىس ايتىپ، 30- ماۋسىمدا نۇر-سۇلتان قالاسىندا وتەتىن XV « ەۋرازيا» حالىقارالىق كينوفەستيۆالىنىڭ اشىلۋىنا شاقىردى.