وتانداستار قورىنىڭ ماقساتى - الەم قازاقتارىن تاريحي وتانى توڭىرەگىندە بىرىكتىرۋ

None
None
نۇر-سۇلتان. قازاقپارات - 2017-جىلى ماۋسىم ايىندا وتكەن دۇنيەجۇزى قازاقتارىنىڭ V قۇرىلتايىندا ەلباسى نۇرسۇلتان نازاربايەۆ شەت ەلدەردەگى ەتنيكالىق قازاقتاردى قولداۋ ماقساتىندا «وتانداستار قورىن» قۇرۋدى تاپسىرىپ، قازاقستاننىڭ قوعامدىق جاڭارۋى اياسىندا وزگە مەملەكەتتەردەگى قانداستارىمىزدى قولداۋعا باعىتتالعان ءبىرقاتار تاپسىرمالار بەرگەن بولاتىن، دەپ حابارلايدى قازاقپارات.

وسى تاپسىرمالاردى ورىنداۋ ماقساتىندا قازاقستان ۇكىمەتى 2018-2022-جىلدارعا ارنالعان شەتەلدەگى ەتنيكالىق قازاقتاردى قولداۋ بويىنشا ءىس-شارالار جوسپارىن ازىرلەپ، بەكىتتى (2018 ج. 18 مامىر).

ءىس-شارالار جوسپارى بويىنشا شەتەلدەگى ەتنيكالىق قازاقتاردىڭ ءبىلىم الۋىنا جانە ءتىلىن ساقتاپ قالۋىنا جاعداي جاساۋ، ولارمەن مادەني-گۋمانيتارلىق جانە اقپاراتتىق-ۇيلەستىرۋ بايلانىستارىن قامتاماسىز ەتۋ، شەتەلدەگى جانە وتانىنا كوشىپ كەلگەن قازاق دياسپوراسىنا قولداۋ ءۇشىن د ق ق جۇمىسىن جانداندىرۋ كوزدەلگەن. بۇل باعىتتار بويىنشا جۇمىستار جۇرگىزىلۋدە.

«وتانداستار قورى» كوممەرتسيالىق ەمەس اكسيونەرلىك قوعامى 2018-جىلدىڭ قازان ايىندا ءوز جۇمىسىن باستادى. قازىرگى ۋاقىتتا «وتانداستار قورىنىڭ» جالپى ۇستانىمىنىڭ ماسەلەلەرى پىسىقتالدى (2019 - 2022 ج. ج. ارنالعان جول كارتاسى).

نەگىزگى يدەولوگيا - دۇنيەجۇزى قازاقتارىنىڭ قاۋىمداستىعىمەن بىرلەسىپ، بۇكىل الەم قازاقتاردىڭ تاريحي جانە ەتنيكالىق وتانى توڭىرەگىندە بىرلەستىرۋ.

ءبىزدىڭ ماقساتىمىز - ۇلتتىق بىرەگەيلىكتى ساقتاۋ، ەلىمىز مىقتى، ءارى جاۋاپكەرشىلىگى جوعارى ءبىرتۇتاس ۇلت بولۋ، قازاق دياسپوراسى بويىنشا مەملەكەتتىك ساياساتتى قالىپتاستىرۋ. «وتانداستار قورى» ك ە ا ق ءوز جۇمىسىن جوبالىق كەڭسە فورماتىندا، وتانداستار ءۇشىن قىزمەت كورسەتۋدىڭ ءبىرىڭعاي وپەراتورى رەتىندە ۇيىمداستىرادى.

«وتانداستار قورىنىڭ» بارلىق جوبالارى 7 باعىتقا ۇيلەستىرىلگەن.

1. دياسپورالىق ساياسات باعدارلامالارىن ازىرلەۋ.

2. بايلانىس- ورتالىعى مەن قوعامدىق قابىلداۋ جۇمىسىن ۇيلەستىرۋ.

3. «وتانداستار» ديالوگتىق الاڭدارىن قۇرۋ.

4. ءبىلىم بەرۋ جوبالارى ارقىلى شەتەلدەگى قازاق دياسپورالارىنىڭ بالالارىنا قازاقستاندا ءبىلىم الۋعا ىقپال ەتۋ. قازاق مادەنيەتىن ىلگەرىلەتۋ.

6. قازاق دياسپوراسى مەن قازاقستاندىق بيزنەس وكىلدەرىنىڭ ىسكەرلىك بايلانىستارىن ورناتۋعا جانە نىعايتۋعا ىقپال ەتۋ.

7. دۇنيەجۇزى قازاقتار قاۋىمداستىعى اينالاسىندا الەمدەگى قازاق دياسپورالارىنىڭ ءبىرىڭعاي قۇرىلىمدىق جۇيەسىن قۇرۋ.

نەگىزگى باسىمدىق - شەت مەملەكەتتەن ەلگە كەلەمىن دەگەن وتانداستاردى قولداۋدىڭ كەشەندى باعدارلاماسىن ازىرلەۋ، كوشىپ كەلگەن اعايىنداردى تۇرعىن ۇيمەن، جۇمىسپەن قامتۋ، وقىتۋ جانە الەۋمەتتىك تۇرعىدان بەيىمدەۋ. سونداي-اق شەتەلدە تۇراتىن تالانتتى، ءبىلىمدى قازاقتاردى ەلگە تارتىپ، ولارعا جاعداي جاساۋعا نەگىزدەلمەك.

سونىمەن بىرگە دياسپورالىق ساياسات باعدارلاماسىن ازىرلەپ، قازاقتاردىڭ ءومىر ءسۇرىپ جاتقان ەلدەردەگى تىرشىلىك ەرەكشەلىكتەرىنە سايكەس بيزنەس مودەلىن جاساپ، ونداعى دياسپورا وكىلدەرىن ەلگە كوشىرۋ تەتىكتەرىن قاراستىرۋعا ماڭىزدىلىق بەرىلۋدە.

جالپى قازىرگى ۋاقىتتا دياسپورا ماسەلەلەرى بويىنشا وتانداستار تۋرالى جيناقتالعان مالىمەتتەردى وزەكتەندىرىپ، قوسىمشا زەرتتەۋلەر جۇرگىزىپ، جۇيەلەندىرۋمەن اينالىسىپ جاتىرمىز. سونىڭ نەگىزىندە اعىمداعى جىلدىڭ سوڭىنا دەيىن وتانداستاردى قولداۋدىڭ كەشەندى باعدارلاما جوباسىنا دەموگرافيالىق، ەكونوميكالىق، ميگراتسيالىق جانە باسقا دا اسپەكتىلەردى قامتىعان، ناقتى عىلىمي تۇرعىدان نەگىزدەلگەن ۇسىنىستار ازىرلەنەتىن بولادى.

وسى رەتتە، ەلدەر بويىنشا قازاق دياسپوراسىنىڭ ماسەلەلەرى مەن قازاقستانداعى رەپاتريانتتاردىڭ ماسەلەلەرىن زەرتتەۋ جانە شەت ەلدەردەگى وتانداستاردى قولداۋ جانە ولاردى تاريحي وتانىنا قايتارۋ بويىنشا وزىق حالىقارالىق تاجىريبەلەردى زەردەلەۋ شارالارى قولعا الىندى.

وسى جانە باسقا دا جۇمىستارا قوعام وكىلدەرىن بەلسەندى تارتۋ ماقساتىندا «قوعامدىق كوميسسيا» جانە «عىلىمي-ساراپتامالىق كەڭەس» سۇحبات الاڭدارى قۇرىلدى. بۇل دياسپورالىق ساياسات ماسەلەلەرىن وزەكتەندىرىپ، ساراپشىلارمەن تالقىلاۋعا جانە ىلگەرى جىلجىتىپ وتىرۋعا يگى اسەرىن تيگىزەدى.

سوڭعى جاڭالىقتار