جۇمىسشى ماماندىعىن الىپ جاتقان ستۋدەنتتەردىڭ شاكىرتاقىسى وسەدى
بۇل تۋرالى بۇگىن اقوردادا ب ا ق وكىلدەرىنە ق ر پرەزيدەنتىنىڭ سىيلىقتارى مەن گرانتتارىن تابىستاۋ راسىمىندە مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«1- قىركۇيەكتەن 122,5 مىڭ ادامدى قامتيتىن تەحنيكالىق جانە كاسىپتىك ءبىلىمنىڭ جۇمىسشى ماماندىعى بويىنشا وقىپ جاتقان ستۋدەنتتەردىڭ شاكىرتاقىسى 30 پايىزعا ارتاتىن بولادى. جوعارىدا اتالعان قاۋىرت شارالار ءبىزدىڭ ءبارىمىزدى تولعاندىرىپ وتىرعان الەۋمەتتىك ماسەلەلەردى شەشۋگە سەپتىگىن تيگىزەرىنە سەنىم بىلدىرەمىن. ارينە، مۇنىڭ بارلىعى ەلباسىنىڭ تانىمال ستراتەگياسىندا بەلگىلەگەن ماقساتتارعا قول جەتكىزۋگە وڭ اسەرىن تيگىزەتىن بولادى»، - دەدى قازاقستان پرەزيدەنتى.
مەملەكەت باسشىسى ەلىمىزدىڭ ەكونوميكاسىنىڭ الدىندا وتە كۇردەلى تەگەۋىرىندەردىڭ تۇرعاندىعىنا قاراماستان وسىناي شارالار قابىلدانىپ وتىرعاندىعىن باسا ايتتى.
«ولار نەگىزىنەن سىرتقى اسەرلەردەن تۋىنداپ جاتىر. ساۋدا سوعىستارى مەن سانكتسيالىق تەكەتىرەس جالعاسۋدا. تولىقتاي العاندا الەمدەگى گەوساياسي احۋال كۇردەلى»، - دەدى قاسىم-جومارت توقايەۆ.