21:18, 26 - ماۋسىم 2019 | GMT +6
توقايەۆ از قامتىلعان وتباسىلارعا قانداي الەۋمەتتىك قولداۋ كورسەتىلەتىندىگىن ايتتى
نۇر-سۇلتان. قازاقپارات - بۇگىن اقوردادا ب ا ق وكىلدەرىنە ق ر پرەزيدەنتىنىڭ سىيلىقتارى مەن گرانتتارىن تابىستاۋ راسىمىندە مەملەكەت باسشىسى قاسىم-جومارت توقايەۆ از قامتىلعان وتباسىلارعا قانداي الەۋمەتتىك قولداۋ كورسەتىلەتىندىگىن ايتتى، دەپ حابارلايدى قازاقپارات ءتىلشىسى.
قازاقستان پرەزيدەنتى ۇكىمەت پەن ۇلتتىق بانكتىڭ باستى مىندەتى تۇرعىن قولجەتىمدىلىگىن كەڭەيتۋ ەكەندىگىن اتاپ ءوتتى.
«بۇل ماقساتتا حالىقتىڭ از قامتىلعان توبى ءۇشىن جالدامالى باسپانا قۇرىلىسىنىڭ كولەمى ەكى ەسە ارتتىرىلاتىن بولادى. ياعني، جىلىنا 20 مىڭ پاتەرگە دەيىن جانە جۇمىس ىستەيتىن جاستارعا ازىرشە ءۇش ەسە، جىلىنا 3 مىڭ پاتەرگە دەيىن سالىنادى»، - دەدى مەملەكەت باسشىسى.
ق. توقايەۆ از قامتىلعان وتباسىلاردىڭ بالالارىن الەۋمەتتىك قولداۋ شارالارى جۇيەلەندىرىلەتىندىگىن باسا ايتتى.
«ىستىق تاماقپەن، تەگىن جول ءجۇرۋ مۇمكىنشىلىگىمەن، مەكەپكە قاجەتتى قۇرالدارمەن قامتاماسىز ەتىلىپ، قوعام مەن دەمەۋشىلەردى كەڭىنەن تارتۋ ارقىلى «مەكتەپكە جول» جالپى رەسپۋبليكالىق اكسياسى جان-جاقتى جۇزەگە اسىرىلادى»، - دەدى ق ر پرەزيدەنتى.