ەلباسى التاي كولگىنوۆتى قابىلدادى

None
None
نۇر-سۇلتان. قازاقپارات - قازاقستاننىڭ تۇڭعىش پرەزيدەنتى نۇر-سۇلتان قالاسىنىڭ اكىمى التاي كولگىنوۆتى قابىلدادى، دەپ حابارلايدى قازاقستان رەسپۋبليكاسىنىڭ تۇڭعىش پرەزيدەنتى - ەلباسىنىڭ باسپا ءسوز قىزمەتى.

كەزدەسۋدە نۇرسۇلتان نازاربايەۆ ەلوردانىڭ اكىمىنە باس قالامىزدى ودان ءارى دامىتۋ ءۇشىن زور جاۋاپكەرشىلىك جۇكتەلگەنىن اتاپ ءوتتى.

«كەز كەلگەن مەملەكەتتىڭ استاناسى ەل جانە ۇكىمەت باسشىلىعىنىڭ ءجىتى نازارىندا بولادى. ەلوردا اكىمىنە زور جاۋاپكەرشىلىك جۇكتەلەدى. ەلىمىزدىڭ قوناقتارى، ەڭ الدىمەن، قازاقستاننىڭ استاناسىنا كەلەدى. باس قالانىڭ دامۋ دەڭگەيىنە قاراپ، جالپى مەملەكەتتىڭ دامۋ بارىسىن باعالاۋعا بولادى»، - دەدى نۇرسۇلتان نازاربايەۆ.

قازاقستاننىڭ تۇڭعىش پرەزيدەنتى ەلوردانىڭ جاڭا اكىمىنىڭ جۇكتەلگەن مىندەتتەردى جۇزەگە اسىرۋ ءۇشىن ىسكەرلىگى مەن تاجىريبەسى جەتكىلىكتى ەكەنىن اتاپ ءوتتى.

«ەل باسشىلىعى جانە ۇكىمەت ءسىزدىڭ جۇمىسىڭىزعا قولداۋ كورسەتەدى. كوپ جۇمىس اتقارىلۋعا ءتيىس. ەلوردا تۇرعىندارى تاراپىنان قالا باسشىلىعىنا ءاردايىم جوعارى تالاپتار قويىلادى»، - دەدى ەلباسى.

التاي كولگىنوۆ باس قالامىزدىڭ الەۋمەتتىك-ەكونوميكالىق دامۋ كورسەتكىشتەرىن جاقسارتۋ ءۇشىن اتقارىلاتىن جۇمىس تۋرالى ايتتى.

«قازىرگى ۋاقىتتا قالانى دامىتۋ ءۇشىن قابىلدانعان باعدارلامالار جۇزەگە اسىرىلۋدا. ءوسىم دەڭگەيىن ودان ءارى قامتاماسىز ەتۋ ماقساتىمەن بەرىلگەن بارلىق تاپسىرمالار ورىندالىپ جاتىر. ەكونوميكالىق كورسەتكىشتەر جاقسى. شاعىن جانە ورتا بيزنەس، سونداي-اق ءوندىرىس كولەمى ارتىپ كەلەدى»، - دەدى ەلوردا اكىمى.

سوڭعى جاڭالىقتار