+7 (701) 759 90 19 Лента
34 °С : Нур-Султан
32 °С : الماتى
USD 383.43 EUR 432.47
RUB 6.12 CNY 55.78
جاڭالىقتار

ا ق ش ۋكرايناعا قارۋ ساقتايتىن قويما سالۋعا كومەكتەسەدى

26 ماۋسىم 19:53 219
:ءبولىسۋ
ا ق ش ۋكرايناعا قارۋ ساقتايتىن قويما سالۋعا كومەكتەسەدى

 نۇر-سۇلتان. قازاقپارات - ا ق ش پەن ۋكراينا ۆاشينگتوننىڭ ييەۆكە قارۋ-جاراقتى ساقتاۋعا كومەك بەرۋى جايلى مەموراندۋمعا قول قويدى.

قۇجاتتا ا ق ش- تىڭ ۋكراينادا اسكەري قويما سالۋعا كەم دەگەندە 4 ميلليون دوللار بولەتىنى ايتىلادى. بۇل تۋرالى 25- ماۋسىمدا ا ق ش مەملەكەتتىك حاتشىسى حابارلادى.

قارجى ۋكراينانىڭ قورعانىس مينيسترلىگىنە ەكى جىلدا التى قارۋ قويماسىن سالۋعا بەرىلەدى.

قۇجاتقا ۋكراينا سىرتقى ىستەر مينيسترلىگى حالىقارالىق قاۋىپسىزدىك دەپارتامەنتىنىڭ ديرەكتورى رۋسلان نيمچينسكي مەن ا ق ش مەملەكەتتىك حاتشىسىنىڭ اسكەري جانە ساياسي ماسەلەلەر بويىنشا كومەكشىسى كلارك كۋپەر قول قويعان. راسىمگە ۋكراينانىڭ ا ق ش- تاعى ەلشىسى ۆالەريا چالوگو قاتىستى دەپ حابارلايدى ۋكراينا ەلشىلىگى.

ا ق ش مەملەكەتتىك دەپارتامەنتىنىڭ حابارلاۋىنشا، جوبا «ۋكرايناداعى اسكەري قويمالار قاۋىپسىزدىگىن ارتتىرىپ، ۋكراينانىڭ ناتو ستاندارتتارى مەن حالىقارالىق قاۋىپسىزدىك جانە قارۋدى باسقارۋ تالاپتارىنا ساي بولۋىنا سەپتەسەدى».

ا ق ش ءداستۇرلى قارۋدى جويۋ باعدارلاماسى اياسىندا ۋكراينانى قولداۋ ءۇشىن 2004-2018-جىلدارى 40 ميلليون دوللاردان اسا قارجى قۇيعان.

سوڭعى جىلدارى ۋكرايناداعى قارۋ قويمالارىندا بىرنەشە جارىلىس بولعان. بىلتىر قازاندا يچنيا قالاسىنداعى اسكەري قويمادا جارىلىس بولىپ، 12 مىڭعا جۋىق ادام قاۋىپسىز جەرگە كوشىرىلگەن.

قارۋ-جاراق ساقتاۋ ماسەلەسى قازاقستاندا دا بار. 24- ماۋسىمدا تۇركىستان وبلىسى ارىس قالاسىندا 90 تونناعا جۋىق ارتيللەريالىق وق-ءدارى ساقتاۋلى تۇرعان قويمادان ءورت شىعىپ، ستاريادتار اتىلعان. ايماقتا توتەنشە جاعداي جاريالانىپ، 45 مىڭنان اسا تۇرعىن ەۆاكۋاتسيالاندى. قازىر قالادا ساپەرلار جۇمىس ىستەپ جاتىر. قازاقستان ۇكىمەتىنىڭ دەرەگىنشە، ءۇش ادام قازا تاۋىپ، 350 دەن اسا ادام حابار-وشارسىز كەتكەن. ەكى جۇزگە تارتا ادام دارىگەر كومەگىنە جۇگىنگەن.

«ازاتتىق»


باستى سوزدەر: الةم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات